Yasamal rayon İcra hakimiyyəti iki bacını evsiz qoydu

29.05.2017 09:40

Hazırda Bakıda böyük yol layihəsi həyata keçirilir. Söhbət "Sovetski küçəsində tikilən yoldan gedir. Şəhərdə avtomobillərin hərəkətini asanlaşdıracaq bu yolun tikintisinə büdcədən külli miqdarda vəsait ayrılıb. Ölkə prezidenti müşavirələrində məmurları tikintiyə diqqətlə yanaşmağı, evləri tikinti ərazisinə düşən əhalini razı salmağı tapşırıb. Bəs görəsən yerli icra orqanlarının əməkdaşları dövlət başçısının tapşırıqlarını nə dərəcədə düzgün yerinə yetirirlər. Bu günlərdə redaksiyamıza bir qucaq sənədlə gəlmiş Nailə və Tahirə Əliyeva bacılarının sözlərindən bəlli olur ki, Yasamal rayon icra hakimiyyəti heç də əhalini razı salmır.

Xanımlarla söhbətdən bəlli oldu ki, Nailə və Tahir Əliyeva bacıları gözlərini Abdulla Şaiq küçəsi 213 ünvanda yerləşən evdə açıb və indiyə kimi də burada yaşaıblar. Onlara bu ev anaları Leyla Əliyevadan qalıb. Leyla Əliyevaya isə bu ev onu övladlığa götürmüş atası Murad Eynallı oğlu və onun bacısı və eyni zamanda Leyla Əliyevanın anası Xanımbacı Eynalı qızından çatıbdır.

Tahirə Əliyevanın sözlərinə görə, onların indi yaşadıqları həyət üç qardaşa - Murad, Rza və Həsənəli Eynalı oğullarına mənsub olub. Qardaşların övladı olmadığlndan onlardan biri Murad Eynalı oğlu bacısı Xanımbacı Eynalı qızının övladı Leyla Əliyevanı qızlığa götürür. Qardaşlar rəhmətə gedəndən sonra isə ev keçir Murad Eynalı oğlunun və Xanımbacı Eynalı qızının qızı Leyla Əliyevaya. Leyla Əliyeva öləndən sonra mülkiyyətçilik hüququ onun əri Fərhad Əliyev ötürülür və bunu təsdiq edən sənəd verilir.

Az sonra bəlli olur ki, sən demə qardaşlardan biri Həsənəli Eynalı oğlu da Brilyant Əliyeva adlı bir xanımı uşaqlığa göturub. Əzəldən Fatmai kəndində yaşamış Brilyant Əliyeva öz dilindən imtina kağızı verir və bildirir ki, onu atalığa götürmüş Həsənəlinin həytdəki payında gözü yoxdur , heç vaxt o həyətdə yaşamayıb və yaşamaq fikrində də deyil.

Amma Brilyant Əliyevnın nəvəsi Zahir Əliyev nənəsindən "çevik” tərpənir. Keçmiş "Sovetski” küçəsindəki həyətlərin söküləcəyini eşidən kimi əl ayağa düşür ,məhkəmələri ələ alaraq nənəsinin imtina etdiyi həyətin əvvəlcə dörddə birini, sonra dörddə üçünü və sonda hamısını adına yazdırır.

Qəribəsi odur ki, məhkəmələr qərar çıxardanda bu həyətdə kimin yaşaması ,hər hansı adamın adında olub olmaması barədə məlumatla maraqlanmayıblar. Əks halda Nailə və Tahirə Əliyeva bacıları ən azı həmin məhkəmələrə çağırılardı . Yalnız həyəti tam adına keçirən Zahir Əliyev özü be barədə məlumat verəndən sonra Tahirə və Nailə Əlyeva bacıları əl-ayağa düşüb və biliblər ki. sən demə həyətin qanunsuz da olsa ikinci adaxlısı var.

Bundan sonra əlində evin atası Fərhad Əliyeva, atasının ölümündən sonra isə qardası Əlmurad Əliyeva mənsub olması barədə sənəd olan Nailə Əliyeva Yasamal məhkəməsinin qərarından apellyasiya şikayəti verir və məhkəmə ailənin hüquqlarını təmin edir. Evin dörddən üç hissəsinin Tahirə və Nailə Əliyeva bacıları ilə birgə qardaşları Əlmurad Əliyevə mənsub olması barədə qərar çıxardır.

Amma Zahir Əliyev sakitləşmir. Evlərin söküntüsü zamanı pul almaq arzusu yenə onu Yasamal məhkəməsinə gətirir və təzədən evin ona mənsub olması barədə qərarın verilməsinə nail olur.

Nəticədə Nailə Əliyevanın sözlərinə görə, söküntü zamanı faktiki özünü sonra evə sahib etmiş, əslində bir gün də orada yaşamamış Zahir Əliyevə Yasamal icra hakimiyyəti 101 min manat pul verir, həyəti babası və nənəsindən miras alan Əlmurad Əliyevə 37 min manat ayrılır,Nailə və Tahirə Əliyevaların hərəsinə isə ev almaq üçün hökumət 9 min manat təklif edir. "Mən bu pulu almayacam. Bu pula harada ev almaq olar. Həyətimdən də çıxan deyiləm. Bu evin vergisini hər zaman atam, sonra da qardaşım ödəyib. Sonda isə evin sahibi Zahir Əliyev sayılır? Biz hökumətimizdən öz hüququmuzu tələb edirik ", - deyə Tahirə Əliyeva etiraz edir.

O, həmçinin bildirir ki, dəfələrlə prezident İlham Əliyevə və xanımı Mehriban Əliyevaya məktub yazıb. "Mən əminəm ki prezidentin və xanımının bu fırıldaqlardan xəbəri yoxdur. Onlara mətbuat vasitəsi ilə bizə qarşı edilən haqsızlığı çatdırmaq istəyirəm”, - deyə əli hər yerdən üzülmüş xanım bldirir.

Hazırda bu həyətin taleyi yenə məhkəmə araşdırmasının predmetidir. Nailə Əliyeva yenə də evə mülkiyyətçilik hüquqlarının qaytarılması ilə bağlı məhkəməyə müraciət edib. Onun vəkili Qanqa İbrahimovun dediyinə görə, məhkəmə qəsdən işə baxmağı yubadır. "Məhkəmədən işə tez baxmağı, həyətin sahibi tam müəyyənləşənə qədər həyətin sökülməsinə qadağa qoymağı xahiş etdim. Amma hakim dedi ki, bu prezidentin nəzarəti altında olan layihədir. Onun həyata keçirilmsinə mane olacaq qərar vermək səlahiyyətində deyil. Mən icra hakimiyyətinin nümayəndəsi ilə də görüşdüm. Onlar da tələsik kompensasiyanı verib həyəti sökmək mövqeyində olduğunu bildirdilər”, - deyə vəkil vurguladı.

Vəkilin sözlərinə görə, yaranmış vəziyyətdən yeganə çıxış yolu söküntünü məhkəmənin qərarına qədər saxlamaqdır. Çünki kompensasiyanı alan Zahir Əliyevdən bundan sonra pul almaq, faktki olaraq küçəyə atılmış Tahirə və Nailə Əliyeva bacılarına çox çətin olacaq.

www.anews.az

Xəbəri bəyəndiniz?

Sosial şəbəkələrdə paylaş