Qarabağda müharibənin yeni iştirakçıları

"Orada Amerika Prezidenti tərəfindən səslənən fikirlər əlbəttə ki, çox yüksək qiymətləndirilməlidir. Xüsusilə o demişdir ki, Amerika Birləşmiş Ştatları bundan sonra müsəlman ölkələrinin daxili işlərinə qarışmayacaq, onlara öyüd-nəsihət verməyəcək, onlara mühazirə oxumayacaq. Bu, çox ciddi bəyanatdır və deyə bilərəm ki, Zirvə görüşünün demək olar bütün iştirakçıları bu bəyanatları yüksək qiymətləndiriblər, o cümlədən Azərbaycan. Çünki biz hamımız yaxşı bilirik ki, Azərbaycan xarici müdaxilə nəticəsində ən çox atəş altında olan ölkələrdən biridir. Ümid edirəm ki, bu ciddi siqnal bütün aidiyyəti qurumlara, o cümlədən Avropa təsisatlarına da çatacaq və bizim işimizə qarışma cəhdləri aradan götürüləcək. Onsuz da bu ildən başlayaraq Amerika rəhbərliyində dəyişikliklər oldu və görürük ki, artıq bu müdaxilələrin təzahürləri yavaş-yavaş aradan götürülür”.




Amma çox qəribədir ki, ABŞ-ın müsəlman dünyasına müdaxiləni dayandırması, yəni dolayısı ilə Rusiyanın əl-qolunu açması Stanislav Tarasovun xoşuna gəlmir. Sən demə, Tarasovun fikrincə, Obamanın dövründə ABŞ ona görə Azərbaycanın daxili işlərinə müdaxilə edirmiş ki, Azərbaycanı müstəqil yaşamağa qadir dövlət sayırmış, buna görə də çalışırmış ki, Azərbaycan daha da demokratikləşsin. Amma Tramp tərsinə fikirləşir. Hər halda, rusiyalı politoloq belə iddia edir.

Bu sözlərdən sonra düşünmək olar ki, Gəncədə anadan olmuş və Bakı Dövlət Universitetinin şərqşünaslıq fakültəsini bitirmiş, Azərbaycan və türk dillərini çox yaxşı bilən türkoloq Stanislav Tarasov Azərbaycanı çox sevdiyindən onun demokratikləşməsinə çalışır. Amma Stanislav Tarasovun daha əvvəlki məqalələrini oxuduqda anlamaq olur ki, bu, belə deyil. Məsələn, Donald Tramp prezident seçildikdən sonra Tarasov verdiyi müsahibələrdə bildirirdi ki, demokratlar qeyri-rəsmi şəkildə məsələ qoymuşdular ki, Azərbaycan Qarabağın müstəqilliyini tanısın:
Yəni Tarasovun narahatlığının səbəbi aydındır - Tramp digər müsəlman ölkələri ilə yanaşı Azərbaycana da Qarabağ məsələsinə görə təzyiq etməyəcəyinə söz verib. Ermənilər daha bir himayəçidən məhrum olublar. Bu isə Tarasovu narahat etdiyindən Azərbaycanı dərhal şərləməyə başlayır. İddia edir ki, Neft Fondunda vəsaitləri sıfra enmiş Azərbaycan ucuz kreditlər naminə Səudiyyə Ərəbistanı ilə İrana qarşı birləşir. Dolaysı ilə vurğulayır ki, islam alyansı Qarabağda xristian Ermənistana qarşı vuruşacaq, xaçpərətslər ayıq olun.    



Mənbə: ARDNF

Çingiz RÜSTƏMOV / İstiPress




www.anews.az