KXDR rəhbərliyindən qeyri adi iddia
29.06.2017 19:19
Pxenyan Seuldan müttəhimləri bu ölkəyə verməyi tələb edir.
Koreya Xalq Demokratik Respublikasının (KXDR) hakimiyyət orqanları Cənubi Koreyanın keçmiş prezidenti Pak Kın Xe və sabiq kəşfiyyat rəhbəri barəsində ölüm fərmanı çıxararaq onları KXDR liderini öldürməyə cəhddə ittiham ediblər.
"Report" xəbər verir ki, bu barədə Koreyanın Mərkəzi Teleqraf agentliyi xəbər verir.
Xəbərdə bildirilir ki, Pxenyan Seuldan "müttəhimləri" bu ölkəyə verməyi tələb edir.
Agentliyin məlumatına görə, Pak Kın Xe Kim Çen Inın 2015-ci ildə öldürülməsi ilə bağlı sui-qəsdin ilhamçısı olub. Bununla əlaqədar "satqın" Pak Kın Xe edam edilməlidir.
Koreyanın Mərkəzi Teleqraf agentliyi qondarma sui-qəsddən necə məlumatlı olduğunu bildirmir. Lakin qeyd edək ki, bu həftə Yaponiyanın "Asahi Shimbun" qəzeti həmin mövzu barədə məqalə dərc edib.
Öz növbəsində Cənubi Koreyanın Milli Kəşfiyyat Agentliyi bildirib ki, Kim Çen Inın öldürülməsi məqsədilə sui-qəsdin hazırlanması iddiasının heç bir əsası yoxdur.
www.anews.az
Oxşar xəbərlər
Oxşar xəbərlər
Foto 
Video 
