Leyla Əliyeva Rusiya ulduzlarını heyran etdi - FOTOLAR

29.05.2020 03:39

Azərbaycan prezidentinin qızı Bakıda keçirilən "Jara" musiqi festivalında heyran edib. İstiPress-in məlumatına görə, Leyla Əliyevanın səmimiliyi və gözəlliyi hətta Rusiya mətbuatının da gündəminə düşüb.

Bakıda keçirilən möhtəşəm festivalın ikinci günü Sofi Rotarunun 70 illik yubileyinə həsr edilib. Qonaqlar arasında Leyla Əliyeva da olub. O, tədbirə əkizləri ilə birlikdə qatılıb.

Rusiya estradasının ulduzları belə 3 uşaq anasının səmimiliyi, mehribanlığı, onlarla dostcasına münasibətindən razı qalıblar. L.Əliyevanın gözəlliyi də cazibədar lduzların diqqətindən qaçmayıb. Heydər Əliyev Fondunun vitse prezidenti Bakıda olan qonaqlarla yaxından maraqlanıb, onlarla söhbət edib. Onlardan bəzilərinin ilk dəfə burada olduğu biləndə isə "əminəm ki, siz yenidən bura gələcəksiniz" deyə şəhərin gözəlliyindən bəhs edib.

Bakıda "Sea Breeze Resort" istirahət mərkəzində ikinci "Jara" Beynəlxalq Musiqi Festivalı iyulun 27-də başlayıb. Dörd gün davam edəcək festivalın təşkilatçıları müğənni və musiqiçi Emin Ağalarov, Rusiyanın Əməkdar Artisti Qriqori Leps, "Russkoye radio"nun və "Qızıl qrammofon" mükafatının təsisçisi Sergey Kojevnikovdur.

İyulun 29-da "Jara” Festivalının səhnəsini Filip Kirkorov, A'Studio, LOBODA, EMİN, Valeri Meldadze, Ani Lorak, Dima Bilan, Layma Vaykule, Kristina Orbakayte, Diana Arbenina, Aleksandr Panayotov, Slava, Aleksandr Revva, Vladimir Presnyakov, Fabrika, Albina Canabayeva, Maksim Qalkin, Qlyk'oz, Alessandro Safina, Stas Mixaylov, Oleq Qazmanov, Dmitri Malikov, Anjelika Aqurbaş, Darya Antonyuk və başqaları bölüşəcəklər. Konsertin ikinci hissəsində Alla Puqaçova ən çox sevilən mahnılarını ifa edəcək.

Festivalın sonuncu günündə - iyulun 30-da musiqi həvəskarlarını Qriqori Lepsin yaradıcılıq gecəsi gözləyir. Tamaşaçılara sürpriz duetlər, məşhur hitlərin yeni tərzdə ifası, bir-birindən parlaq musiqi nömrələri təqdim olunacaq. Həmin gün səhnəyə Sergey Lazarev, IOWA, Dima Bilan, Nərgiz, Valeri Meladze, LOBODA, Nikolay Baskov, Stas Mixaylov, Aleksandr Panayotov, Diana Arbenina, EMİN, Qlyuk'oza, Soso Pavliaşvili, Stas Pyexa, Lolita, Aleksandr Marşal və başqaları çıxacaqlar.

Xatırladaq ki, "Jara-2017”nin aparıcıları Yana Çurikova, Andrey Malaxov və Maksim Qalkindir.