Ərdoğan Tereza Meylə Qüdsü müzakirə edib

"Anadolu" agentliyinin məlumatına görə, söhbət zamanı ABŞ-ın Qüdsü İsrailin paytaxtı kimi tanıması barədə qərarının bölgədə ciddi narahatlıq yaratdığı ifadə olunub. Hər iki lider sülh prosesində iki dövlətli həll variantının daha ədalətli olmasının İsrail hökuməti tərəfindən də qəbul edilməsinin vacibliyini vurğulayıblar. Bundan başqa, BMT Təhlükəsizlik Şurasında müzakirələr zamanı məsələ ilə əlaqədar qətnamə layihəsinə Birləşmiş Ştatların veto qoyması təəssüflə qeyd edilib.

Prezident Rəcəb Tayyib Ərdoğan və Baş nazir Tereza Mey beynəlxalq ictimaiyyətin məsələnin həllinə daha diqqətlə yanaşmasının vacibliyini vurğulayıblar.