Türkiyədə transfer bombası partladı
22.01.2018 18:06
Məşhur braziliyalı futbolçu Robinyo karyerasını Türkiyədə davam etdirəcək. Fanat.Az xəbəp verir ki, ulduz futbolçu "Sivasspor"a keçib.
Bu barədə klub rəsmi məlumat yayıb. Məlumatda bildirilir ki, "Tansfer üçün uzun müddətdi danışıqlar apardığımız və prinsipial anlaşma əldə etdiyimiz Robinyo sabah Sivasda olacaq. Son danışıqlardan sonra rəsmi müqavilə imzalanacaq".
"Sivasspor"un baş məşqçisi Samet Aybaba isə transferlə bağlı "Robinyo ilə böyük ölçüdə anlaşmışıq. 1,5 illik müqavilə imzalanacaq" deyib.
Qeyd edək ki, Robinyo karyerasına "Santos"da başlayıb. 2005-ci ildə 24 milyon avroya "Real"a transfer olunub. 3 il sonra "Mançester Siti" onu 43 milyon avroya alıb. 2010-cu ildə icarə əsasında "Santos"da çıxış edən forvard həmin il 18 milyon avroya "Milan"a transfer olunub. Sonrakı illərdə yenidən "Santos" və Çinin "Quanqzu Everqrande" klublarında çıxış edən Robinyonun son iş yeri "Atletiko Mineyro" olub. 2003-cü ildən Braziliya millisinə dəvət alan 34 yaşlı hücumçu 100 oyunda 28 qol vurub.
O, klub karyerası ərzində Braziliya, İspaniya, İtaliya və Çində 12 kubok qazanıb. Milli komanda ilə iki dəfə Konfederasiyalar Kubokunun, Amerika Kubokunun, "CONCACAF Gold Cup"un və "Superclasico de las Amaricas"ın qalibi olub.
www.anews.az
Oxşar xəbərlər
Oxşar xəbərlər
Foto 
Video 
