Mahir Şükürov bir milyon lirədən imtina etdi
06.02.2018 18:19
Türkiyənin II liqasında mübarizə aparan "Karşıyaka” Azərbaycan millisinin sabiq müdafiəçisi Mahir Şükürova borcunu qaytarıb.
Anews.az xəbər verir ki, bu barədə məlumatı "Karşıyaka”nın vitse-prezidenti Gökhan Şensan verib.
O bildirib ki, 2014/2015-ci il mövsümündə komandalarında oynayan Şükürova 1,5 milyon lirə borcları olub. Əldə olunan razılığa görə, Mahir 1 milyon türk lirəsindən imtina edib. Klub ona yalnız 500 min lirə ödəyəcək:
"Biz Mahirə 500 min lirə ödəyərək bu gün silinməli olan xallarımızın qarşısını kəsdik. Şükürova bu hərəkətinə görə çox təşəkkür edirəm. İdman həyatında uğurlar arzulayırıq”.
Qeyd edək ki, Mahir Şükürov 2014-2015 mövsümündə "Karşıyaka”nın heyətində 19 oyun keçirib.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
