"Real" Neymardan əl çəkmir

Anews.az apasport.az-a istinadən xəbər verir ki, Madrid klubu braziliyalı hücumçunu heyətinə qatmaqda israrlıdır.

"Real"ın prezidenti Florentino Peresin yayda transfer etmək istədiyi ilk futbolçu məhz Neymardır. O, keçidin baş tutması üçün rekord məbləğdə pul xərcləməyə hazırdır. Belə ki, Peres 26 yaşlı futbolçuya görə qarşı tərəfə 400 milyon avroluq təklif irəli sürüb.

Madridlilər bir neçə gün əvvəl Neymarın atası ilə görüşüblər. Görüşdə futbolçunun vəkilləri də iştirak edib.

Neymar özü də karyerasını yenidən İspaniyada davam etdirməyə qarşı deyil. Fransa çempionatının səviyyəsi PSJ-nin forvardını qane etmir. Bu səbəbdən də Neymar "Real"ın təklifinə "hə" deməyə hazırdır.

Qeyd edək ki, hazırda zədəli olan hücumçu PSJ-yə yayda 222 milyon avro qarşılığında "Barselona"dan keçib. O, cari mövsümdə parislilərin heyətində 30 oyunda 28 qola imza atıb.