Şahmat üzrə millimizin kapitanı dəyişdirildi

Bu barədə Report-a Azərbaycan Şahmat Federasiyasının vitse-prezidenti Mahir Məmmədov məlumat verib. O, deyib ki, yeni kapitan Qədir Hüseynov olacaq. Dəyişikliklə bağlı qərarı federasiya rəhbərliyi ilə şahmatçılar birgə qəbul edib. Ümumi rəyə əsasən, Eltac Səfərlini Hüseynov əvəzləyib.

M.Məmmədov olimpiadada iştirak edəcək Azərbaycan millisinin heyətinin müəyyənləşdiyini də söyləyib. O, komandada 5 qrossmeysterin yer alacağını bildirib:

"Birinci lövhədə Şəhriyar Məmmədyarov yer alacaq. Qalanlarında isə ardıcıllıqla Teymur Rəcəbov, Arkadi Naydiç, Rauf Məmmədov və Eltac Səfərli olacaq. Yarışa hazırlıqla əlaqədar, sentyabrın birinci yarısında təlim-məşq toplanışı olacaq. Azərbaycanın məqsədi hər zaman yüksək nəticə qazanmaqdır”.

Qeyd edək ki, olimpiadaya oktyabrın 6-da yekun vurulacaq.