Ronaldu Qurban Qurbanovun yolu ilə getdi

Oxu.Az xəbər verir ki, ötən il bu titula yiyələnmiş ulduz futbolçu budəfəki tədbirə qatılmamasına səbəb kimi komandanın oyunlarının sıx qrafikdə olmasını əsas gətirib. 

Həmçinin millimizin baş məşqçisi Qurban Qurbanov da həmin səbəbdən mərasimə qatılmaqdan imtina edib. AFFA-nı bu tədbirdə baş katib Elxan Məmmədov və qurumun almaniyalı texniki direktoru Bernhard Lipert təmsil edəcək. 

Qeyd edək ki, Bakı vaxtı ilə saat 22:30-da başlayacaq mərasimdə futbolçulardan Luka Modriç ("Real”), Məhəmməd Salah ("Liverpul”) və Kriştianu Ronaldunun, baş məşqçilərdən Didye Deşam (Fransa millisi), Zinəddin Zidan ("Real”ın sabiq çalışdırıcısı) və Zlatko Daliçin (Xorvatiya yığması) ən yaxşı olduğu müəyyənləşdiriləcək.

Həmçinin tədbirdə ən yaxşı qadın baş məşqçi, ən yaxşı qapıçı, ən yaxşı qol və ən yaxşı azarkeş aksiyası nominasiyaları üzrə qaliblər də elan olunacaq. Bundan başqa, FIFA-nın "Fair Play” mükafatı təqdim ediləcək və ilin simvolik komandası açıqlanacaq.