"Qarabağ" Mahirə dəstək oldu, azarkeşlər etiraz etdi: "Heç Messiyə belə dəstək olmurlar" - FOTOLAR

"Qarabağ"ın və Azərbaycan milli komandasının futbolçusu Mahir Mədətova azarkeşlərin etirazı daha da böyüyüb.

 

Dünən baş tutan Azərbaycan - Malta oyununu zamanı azarkeşlər Mahiri fitə basıblar, onun əvəzlənməsini tələb ediblər.

 

Yığmanın baş məşqçisi oyunsonrası mətbuat konfransında Mahirin bu münasibətə görə ağladığını deyib.

 

Bu sözlərdən sonra "Qarabağ" futbol klubunun rəsmi səhifəsi Mahirə dəstək məqsədilə profil və örtük fotosunu dəyişib və futbolçusunun fotosunu yerləşdirib.

 

Klubun bu jesti də azarkeşləri qıcıqlandırıb. Klubun səhifəsində yazılıb: "Ən böyük dəyər sahib çıxmağı bacarmaqdır. Sevincin sevincimiz, kədərin kədərimizdir!"

 

Səbuhi Muradov adlı azarkeş bu fotoya yazıb: "Heç bir oyunçu qarabağdan və millidən böyük ola bilməz.nə milli nədə qarabağ sizin şəxsi obyektiniz deyil.rəsmi səhifənim rəsmi logosu olmalıdı". Onun bu şərhini 800-ə yaxın insan bəyənib.

 

Mehdi Bəybala yazıb: İşi bu qədər dramatikləşdirməyin yeri yoxdur. Bacarmırsa otursun ehtiyatda. Ordakı heyətin nəyə qadir olduğunu hamımız bilirik sadəcə azarkeşi çilədən çıxaran Mahirin sanki əvəzolunmaz birisiymiş kimi Qurban tərəfindən göstərilməsidir. Adam nə qədər pis olursa olsun gələn oyun yenə ilk 11 dədir. Təmkin, Namiq qat-qat çox haqq edir o formanı. 

 

Elgün Əfəndiyev yazıb:  O boyda #FCBarcelona'nın rəsmi səhifələri hələ görməmişəm ki, 5 qızıl topun sahibi olan Messinin şəklini səhifənin profil şəkli etsinlər. Bizim #QarabağFK'nın səhifəsi Mahirin şəklin profil şəkli edib ona dəstək olur. Həqiqətən, daha sözüm yoxdu!!! "Qarabağ"ın qarşıdakı oyunlarında rəqiblərinə uğurlar arzulayıram! Və mən bir daha Qarabağa azarkeşlik etməyəcəm!"/azxeber.com