Türkiyənin “Haber Global” kanalı Xocalı faciəsi haqqında sənədli film hazırladı - VİDEO

Türkiyənin "Haber Global” kanalı Xocalı Soyqırımı haqqında sənədli film hazırlayıb.

Film türk dili ilə yanaşı ingilis, rus, alman, fransız dilləri və ana dilimizdə hazırlanıb, gün ərzində sosial şəbəkələrdən dünya ictimaiyyətinə çatdırılacaqdır.

Filmin ilk səhnəsi mərhum jurnalist Çingiz Mustafayevin ağlayaraq "Üzünü qaldır, üzünü” sözləri ilə başlayır. Sonra isə filmdə digər soyqırımlar- 1918-ci il Bakıdakı mart soyqırımı, 1982 Sabra və Şatilla faciəsi,  1988-ci il Halepçe faciəsi, 1992-ci il Xocalı soyqırımı1995-ci il Srebrenitsa qətliamı, 2017-ci il Myanmar faciəsi bir daha xatırlanır.

Filmdə Xocalı faciəsi haqqında tamaşaçıya geniş məlumat verilir, dəhşəti əks etdirən foto və video kadrlar yer alır.

Tamaşaçıya Xocalının soyqırımdan əvvəlki kadrları təqdim edilməklə yanaşı, o gecə baş verən dəhşətlər şahidlərin dilindən səsləndirilir.

"Haber Global”ın təqdim etdiyi sənədli filmi Azərbaycan tamaşaçısına da təqdim edirik.