Dünya liderlərindən dünya müsəlmanlarına BAYRAM TƏBRİKİ

ANN.Az xəbər verir ki, ABŞ prezidenti Barak Obama və həyat yoldaşı Mişel Obama müsəlmanların Qurban Bayramı və Həcc ziyarəti münasibətilə təbrik edib. Ağ Evin rəsmi şəkildə yayımladığı təbrik açıqlamasında prezident Obamanını adından qeyd olunur ki, müsəlman qonşularımız və dostlarımız bu gün Qurban Bayramını qeyd edirlər: "Müsəlman amerikalılar da dünyanın ən böyük və ən müxtəlif toplumlarının qatıldığı Həcc ziyarətinə getməklə hacı namizədi olmaq şansını əldə ediblər".  Obama Həcc ziyarətinə yüksək dəyər verdiyini, sünni və ya şiələrin, eləcə də  dünyanın dörd bir tərəfindən gələn müsəlmanların bir araya gəldiyini vurğulayıb: "Həccin soy və ya məzhəbə, irq ya da dinə, cinsiyyət və ya yaşa baxmadan insanlıq olaraq hər kəsin bərabər olduğu bir vəzifə olması böyük üstünlükdür".  Prezident eyni zamanda Qurban bayramında müsəlmanların yoxsullara kömək etmə ənənəsinin davam etdirilməsini, aclıq, xəstəlik, təzyiqlər və qarşıdurmalar üzündən ağrılar çəkənlərə yardım təmin etməyə istiqamətli səylərini də yüksək qiymətləndirdiyini ifadə edib.Rusiya prezidenti Vladimir Putin bütün Rusiya müsəlmanlarını Qurban Bayramı münasibəti ilə təbrik edib. Dünya liderlərindən biri - Rusiya Federasiyasının prezidenti Vladimir Putin də Qurban Bayramı münasibətilə təbrik məktubu ünvanlayıb.“Qafqazinfo” xəbər verir ki, bu barədə Kremlin saytında məlumat verilib: “Əsrlər boyu xoş və parlaq hisslərlə dolu olan bu bayram insanları bir araya gətirməyə, cəmiyyətdə yaxşılıq və mərhəmət kimi idealların bərqərar olmasına, dini inanc və ənənələri tərbiyə tməyə xidmət edir”. Bundan başqa, prezident müsəlman cəmiyyətlərinin Rusiyanın ictimai həyatında, həmçinin ailə dəyərlərinin möhkəmləndirilməsində böyük rolu olduğunu vurğulayıb. ANN.Az