Dünyanın ən çox gəlir gətirən 5 FİLMİ

Film sənayesi dünya çapında ən çox gəlir əldə edən sektorlardan biridir. Belə ki, təşkilatçılar təkcə filmin reklam edilməsi üçün 100 milyonlarla dollar vəsait ayırırlar. Digər janrlara nisbətdə daha çox bu sektorda fantastik filmlər yüksək gəlir əldə edir. Yaxşı qazanc əldə edən bu tip filmlərin demək olar ki, sonradan davamı çəkilir, bir neçə seriyalı olur. 

Modern.az-ın məlumatına görə, ən çox qazanc əldə etmiş 5 film belə sıralanır:

5-ci yerdə "Jurassic Park” filminin ardıcılı, 18 il sonra çəkilmiş "Jurassic World” filmi dayanir. 2015-ci ildə təqdim edilən film 150 milyon dollar büdcə ilə çəkilib, 1.67 milyard dollaradək möhtəşəm qazanc əldə edib. 

Möcüzələr  kainatının ən dramatik və əfsanəvi filmi  "Avengers : İnfinity War” 2018- ci ildə yayımlandı və film 2.05 milyard dollar qazanc əldə etdi. 

Siyahıda 3-cü yeri  "Star Wars” filminin ardıcıl olaraq təqdim edilən yeddinci ekran əsəri olan "Star Wars: The Force Awakens” tutur. Belə ki, film nə az- nə çox - 2.07 milyard dollar qazanc əldə edib. 

Siyahında yüksək gəlirli 2-ci film isə dünya miqyasında  məşhur "Titanic” filmidir. Bu, "Paramount Picture” şirkətinin yayımladığı filmlər içərisində ən çox qazanc əldə edən filmdir. Belə ki, film 2.19  milyard dollar gəlir gətirib.  

Bu siyahıda ilk yeri isə 2009-cu ildə təqdim edilmiş "Avatar” filmi tutur. Belə ki, film 2.79 milyard dollar qazanc əldə edib. Filmin növbəti seriyalarının çəkilməsi artıq uzun müddət idi ki, müzakirə edilirdi. "Avatar 2”  filminin 2020-ci ildə işıq üzü görməsi gözlənilir. Filmin ardı  "Avatr 3”,  "Avatar 4”, "Avatar 5” adı ilə çəkilib sonlandırılacaq. Bütün bu prosesin 2020-ci ilədək yekunlaşacağı gözlənilir.