“Fikirləşdim ki, dörd uşağım var, həbsdə oturub gözləyə bilmərəm...”
30.03.2019 13:21
Məşhur azərbaycanlı müğənni və Rusiya biznesmeni Emin Ağalarov ABŞ-da xüsusi prokuror Robert Müllerin bu günlərdə başa çatan təhqiqatı barədə danışıb.
Virtualaz.org xəbər verir ki, Ağalarov "The Bell” nəşrinə müsahibəsində Müllerə ifadə verməyə hazır olduğunu deyib. Amma bildirib ki, son anda fikrini dəyişib, çünki Amerikada onu həbs edə və təhqiqat başa çatana qədər həbsxanada saxlaya bilərdilər.
Xatırladaq ki, xüsusi prokuror ehtimal edilən Tramp-Rusiya sövdələşmələri çərçivəsində rusiyalı vəkil Natalya Veselnitskayanın Nyu-Yorkda Trampın oğlu ilə görüşü epizodunu da araşdırırdı. Həmin görüşü Emin Ağalarov təşkil etmişdi. Görüşdə məqsəd Hillari Klinton barədə kompromatların Trampa çatdırılması olmuşdu. Lakin tərəflər bildirirdi ki, görüş başlayanda rusiyalı vəkildə əslində heç bir kompromatın olmadığı üzə çıxıb.
ABŞ-a konsert turnesini ləğv etməsi nəticəsində müğənni yarım milyon dollar itirib. Çünki onun konsertlərinə bütün biletlər satılmışdı. Ağalarov deyib ki, başqa gəlir yerləri olduğu üçün müğənniliyə pul qazanmaq vasitəsi kimi baxmır. Amma payızda hər halda Amerikaya getməyə və konsert verməyə hazırlaşır.
E.Ağalarov onu da deyib ki, rublun dəyərdən düşməsi nəticəsində onun obyektlərindən əldə edilən icarə gəliri təxminən yarıbayarı azaldı. "Biz güzəştlər etməli olduq, icarəçilərlə güzəştli şərtlərlə anlaşmaq lazım gəldi. Rusiya bankında xeyli kreditimiz var. "Sberbank”a olan borcumuz 1.8 milyard dollar təşkil edir. Kredit böyükdür, amma biz ona müqavilə üzrə xidmət göstərə bilirik. Əgər pul çatmırsa şəxsi vəsaitlərimizdən götürüb veririk. Günahkar biz deyilik ki, ölkə böhrana düşüb və ödəmək çətinləşib”-biznesmen müğənni bildirib.
www.anews.az
Virtualaz.org xəbər verir ki, Ağalarov "The Bell” nəşrinə müsahibəsində Müllerə ifadə verməyə hazır olduğunu deyib. Amma bildirib ki, son anda fikrini dəyişib, çünki Amerikada onu həbs edə və təhqiqat başa çatana qədər həbsxanada saxlaya bilərdilər.
Xatırladaq ki, xüsusi prokuror ehtimal edilən Tramp-Rusiya sövdələşmələri çərçivəsində rusiyalı vəkil Natalya Veselnitskayanın Nyu-Yorkda Trampın oğlu ilə görüşü epizodunu da araşdırırdı. Həmin görüşü Emin Ağalarov təşkil etmişdi. Görüşdə məqsəd Hillari Klinton barədə kompromatların Trampa çatdırılması olmuşdu. Lakin tərəflər bildirirdi ki, görüş başlayanda rusiyalı vəkildə əslində heç bir kompromatın olmadığı üzə çıxıb.
"Mən istintaqın suallarına cavab verməyə hazır idim və ABŞ-a planlaşdırdığım konsert turnesi zamanı ifadə verməyə hazırlaşırdım. Xüsusi olaraq buna iki həftə vaxt ayırmışdım. Çünki gizlətməyə nəyimsə yoxdur. Lakin turneyə bir neçə gün qalmış mənə vəkil zəng vurdu və dedi ki, Müller məndən ifadə almağa hazırdır, amma aeroportda istintaqa cəlb edildiyim haqda order təqdim etməklə. Bu isə o deməkdir ki, sən avtomatik olaraq istintaqın fiqurantı olursan və istintaq başa çatmayana qədər ABŞ-ı tərk edə bilməzsən. Həmin məqamda istintaq artıq iki ildir gedirdi və mən orada ilişib qalmağa hazır deyildim. Mənim dörd uşağım var, mən oturub gözləyə bilməzdim ki, istintaq nə zaman bitəcək”-Emin Ağalarov deyib.
E.Ağalarov onu da deyib ki, rublun dəyərdən düşməsi nəticəsində onun obyektlərindən əldə edilən icarə gəliri təxminən yarıbayarı azaldı. "Biz güzəştlər etməli olduq, icarəçilərlə güzəştli şərtlərlə anlaşmaq lazım gəldi. Rusiya bankında xeyli kreditimiz var. "Sberbank”a olan borcumuz 1.8 milyard dollar təşkil edir. Kredit böyükdür, amma biz ona müqavilə üzrə xidmət göstərə bilirik. Əgər pul çatmırsa şəxsi vəsaitlərimizdən götürüb veririk. Günahkar biz deyilik ki, ölkə böhrana düşüb və ödəmək çətinləşib”-biznesmen müğənni bildirib.
www.anews.az
Foto 
Video 
