Ukraynanın taleyi bu tarixdə həll olunacaq

Ukraynanın yeni prezidenti mandatına 21 apreldə aydınlıq gələcək.

Publika.az xəbər verir ki, Mərkəzi Seçki Komissiyasının rəhbəri Tatyana Slipaçuk seçkilərdə namizədlərdən hər hansı birinin 50%-dən çox səs toplamadığını açıqlayıb.

Slipaçuk keçirdiyi mətbuat konfransında səslərin hesablanmasının davam etdiyini, lakin gözlənilməz nəticə ilə qarşılaşmayacaqlarını bildirib.

Ukraynada ölkə miqyasında 62,78% seçici fəallığı qeydə alınıb. Yerli vaxtla saat 12:30-da səslərin 72,09%-i hesablanıb. Nəticəyə görə, Vladimir Zelenski 30,44% səslə birinci, Pyotr Poroşenko 16,15% səslə ikinci, Yuliya Timoşenko isə 13,16% səslə üçüncü olub.

Qeyd edək ki, ikinci turda aktyor-şoumen Vladimir Zelenski və hazırkı prezident Pyotr Poroşenko mübarizə aparacaq.