Poroşenko: Sülh planı gələn həftə hazır olacaq

Ukrayna prezidenti Pyotr Poroşenko Brüsseldə keçirdiyi mətbuat konfransında bəyan edib ki, Donbasdakı vəziyyətlə bağlı sülh planı gələn həftə hazır olacaq.

APA-ya istinadən xəbər verir ki, o bildirib ki, sülh planı sentyabrın 1-də Ukrayna üzrə təmas qrupunun görüşündə Ukrayna, Rusiya və ATƏT nümayəndələri ilə birgə müzakirə ediləcək.

“Ümid edirəm ki, görüşdə atəşkəs məsələsi müzakirəyə çıxarılacaq”, deyə Ukrayna prezidenti vurğulayıb.

Bundan əvvəl Rusiya prezidenti Vladimir Putin təmas qrupunun Ukrayna, Rusiya, Ukraynanın şərq regionu və ATƏT nümayəndələrinin iştirakı ilə məsləhətləşmələrin Minskdə keçirilməsinin vacibliyini qeyd edib.

APA