"Cənub axını" TANAP üçün əngəl deyil - AÇIQLAMA

Bu həftə Avropa Birliyinin üzvü olan Bolqarıstan, "Cənub axını" qaz kəmərinin ölkə ərazisində tikintisinin dayandırılması barədə qərar qəbul edib. "Cənub axını" layihəsinin dayandırılmasına səbəb ola biləcək bu qərar, Azərbaycanın qaz ixracatı siyasətinə necə təsir göstərəcək? ANN.Az-ın bu sualına Neft Tədqiqatları Mərkəzinin rəhbəri, ekspert İlham Şaban cavab verdi.

O, belə hesab edir ki, "Cənub axını" Azərbaycanın qaz ixracı biznesinə heç bir təsir göstərməyəcək. "Cənub axını"nın olub-olmamasının Azərbaycan üçün elə bir əhəmiyyəti yoxdur.

"Azərbaycan qazının Avropaya ixrac ediləcəyi TANAP, sonra isə TAP qaz kəmərinin tikinti layihəsində bizim illik ixracımız əvvəlcə 10, sonra ildə 20 milyard kub metr qaz planlaşdırılır. SOCAR rəhbərliyi bildirdi ki, "Cənub qaz dəhlizi" üzrə daşınmanı 31 milyard kubmetrə qədər artıra bilərik. Bu həcmdən 6 milyard kubmetr qazı Türkiyə alacaq, deməli 25 milyard kub metr Azərbaycan qazı Avropaya ixrac ediləcək.

Növbəti onillikdə Azərbaycan Avropanı qazla təmin edə biləcək "Ümid/Babək", "Azəri- Çıraq-Günəşli"nin dərin qatlarını, "Abşeron" və başqa qaz yataqlarının işlənməsini təmin edəcək.

Düzdü, Avropa, Azərbaycan və Rusiya mətbuatı Azərbaycan və Rusiya qaz ixracat axınlarının qarşıdurması, onların rəqabəti haqqında yazır. Bu qaz kəmərləri arasında paralellər aparır, həmçinin Avropa Birliyi və Gömrük İttifaqı arasında rəqabətdən söz açır. Bu siyasi spekulyasiyalardan başqa bir şey deyil. "Cənub qaz dəhlizi" və "Cənub Axını" paralel planlaşdırılmışdı, ona görə də tikintisi dayandırılmayacaq. Eləysə, onda necə bir-birinə mane ola bilərlər? ARDNŞ-nin vitse-prezidenti Elşad Nəsriov hələ aprelin sonlarında CNN telekanalında çıxış edərkən bildirmişdi.

Hal-hazırda "Cənub axını"nı bloklayan avropalılar, Rusiya qaz kəmərlərindən imtina etmək yox, Rusiyadan energetika resurslarının daha əlverişli şərtlərlə alınmasına nail olmağa çalışırlar", - İlham Şaban dedi.

ANN.Az