UEFA Şmeyxelə görə ingiltərəli azarkeşləri cəzalandıracaq

Avropa Futbol Assosiasiyalarının İttifaqı (UEFA) AVRO-2020-də İngiltərə və Danimarka (2:1) yığmaları arasında keçirilmiş yarımfinal oyunu ilə əlaqədar intizam işi açıb.

Anews.az  "Oxu.az"a istinadən xəbər verir ki, futbol qurumu "Uembli” stadionuna toplaşmış azarkeşlərin Hari Keynin penalti epizodu zamanı danimarkalı qapıçı Kasper Şmeyxelin üzünə lazer işığı salmasını və Danimarkanın dövlət himni səsləndirilərkən pirotexnik vasitələrdən istifadəni araşdıracaq.

Qeyd edək ki, AVRO-2020-nin final oyununda İtaliya ilə İngiltərə yığmaları üz-üzə gələcək.