Qarabağ hava məkanından yeni hava dəhlizi açıla bilər

 

" İşğaldan azad olmuş ərazilərdəki hava məkanı 30 il idi ki, bağlıydı. İndi isə Azərbaycan dövləti Qarabağ üzərindən uçuşla bağlı bütün məhdudiyyətləri aradan qaldırıb. Ondan hər kəs sərnişin və yük daşımaları üçün istifadə edə bilər. Hazırda belə danışıqlar davam edir",  - deyə Hacıyev söyləyib. 

 

Sentyabrın 5-də yeni tikilən Füzuli hava limanına Bakıdan ilk sınaq reysi həyata keçirilib. İki təyyarə uğurla Bakıdan Füzuli aeroportunun uçuş zolağına enib. Onlardan biri Boeing-747 yük təyyarəsi, ikinci isə Airbus-340 sərnişin təyyarəsidir. 

 

Bundan başqa Azərbaycan Qarabağda daha iki hava limanı inşa etməyi planlaşdırır. Onlar  Zəngilanda və Laçında  2022-ci ildə istismara veriləcək. Saatda 300 sərnişin qəbuletmə gücünə malik olan Füzuli hava limanı isə bu ilin sonuna kimi tam həcmdə işləyəcəkdir.