Tokio-2020 başa çatdı: Azərbaycan neçənci oldu?

Tokioda keçirilən Yay Paralimpiya Oyunları başa çatıb və Azərbaycan medal sıralanmasında ilk "10-luq"da qərarlaşıb.

Sonuncu gündə İtaliya daha bir qızıl medal qazanıb və yalnız gümüş sayına görə ölkəmizi qabaqlayıb. Beləliklə, Azərbaycan yarışı 14 qızıl, 1 gümüş və 4 bürünc medalla 10-cu sırada bitirməli olub. Bu nəticə ilə Azərbaycan meydan sahibi Yaponiya, Almaniya, İran, Fransa, İspaniya kimi ölkələri qabaqlaya bilib.

İlk sıranı 207 medal (96-60-51) qazanan Çin tutub. Böyük Britaniya 124 medalla (41-38-45) ikinci, ABŞ 104 medalla (37-36-31) üçüncü olub. Qonşu Rusiya 118 medal qazansa da, yalnız dördüncü ola bilib (36-33-49). Qardaş Türkiyə paralimpiyaçıları 42-ci olub (2-4-9).