Ermənistan XİN Azərbaycan və Türkiyəyə etiraz etdi

 

"Ermənistan Xarici İşlər Nazirliyi, Azərbaycan və Türkiyə hərbçilərinin  Dağlıq Qarabağ və Laçın dəhlizi yaxınlığında  təlim keçirməsini 9 noyabr 2020-ci ildə əldə dilən üçtərəfli sülh bəyanatına zidd qiymətləndirir. Bu, davamlı sülhü, təhlükəsizliyi və sabitliyi möhkəmləndirməsinə yönəli səylərə xələl gətirir", deyə Ermənistan XİN bəyanatında deyilir. 

 

Bu, Qarabağ münaqişəsi ərazisində Türkiyə və Azərbaycanın keçirdiyi ilk birgə təlimlərdir.

 

Bu təlimlərlə bağlı deputat Naqif Həmzəyev öz fikirlərini anews.az ilə bölüşdü.

Deputatın sözlərinə görə, Azərbaycan və Türkiyə arasında birgə hərbi təlimlər mütəmadi olaraq keçirilir. 

"İşğaldan azad olunmuş ərazilərdə də bu təlimlərin keçiriləcəyi gözlənilirdi. Çünki istənilən an antiterror əməliyyatları keçirilə bilər və hələ də haqq yoluna gəlməyən qüvvələr qalmaqdadır. Bu baxımdan da relyefi çətin ərazilərdə türk ordusu ilə birgə təlimlər arzuolunan olub, olacaq da. Şuşa bəyannaməsi də bunu təsdiqləyirdi. Həmçinin Azərbaycan ordusunun türk ordusu modelində qurulması da planlaşdırılır. Təlimlərin davamlı olacağını düşünür və dəstəkləyirik. Bu təlimlər nəticəsində sərhədboyu Azərbaycan ordusu mövqelərini möhkəmlədəcək  və tezliklə də ermənilərin hamısı məcbur olub, ərazi bütövlüyümüzü tanıyacaq",- deyə millət vəkili bildirdi.