Qarabağın bərpası istiqamətində Rumıniya üçün yeni imkanlar yaradır
13.10.2021 16:34
Rumıniya Azərbaycan ilə ikitərəfli əməkdaşlığı təşviq etməkdə davam edir, həmçinin energetika, nəqliyyat, iqtisadi fəaliyyətin şaxələndirilməsi, inzibati-ərazi vahidləri səviyyəsində mübadilələr, təhlil və mədəniyyət kimi sahələr üzrə məsələlərin həlli vasitəsilə onun gələcək inkişafında maraqlıdır.
Bunu ölkələr arasında əməkdaşlığın prioritet məsələləri, həmçinin planlaşdırılan birgə layihələr haqqında sualı şərh edərkən Rumıniya Xarici İşlər Nazirliyindən bildiriblər.
Bu məsələ ilə bağlı ətraflı müzakirələr mövcud ikitərəfli formatlarda, o cümlədən birgə parlamentlərarası komissiyada aparıla bilər.
Nazirlik xüsusilə də Azərbaycan hökumətinin bu məsələ ilə bağlı hazırlamış olduğu qiymətləndirmələr, ideyalar və planlar haqqında əlavə məlumat əldə etməyi səbirsizliklə gözlədiyini bəyan edib.
Rumıniya XİN energetika sahəsində əməkdaşlığın vacibliyini vurğulayıb: "Energetika sahəsində Avropanın təmin etmək istədiyi enerji təhlükəsizliyi səviyyəsinə çatmaq istəyirik. Bununla əlaqədar olaraq, çox vacib mərhələlərdən biri icra edilməkdədir. 2020-ci ilin sonlarında istifadəyə verilmiş Cənub Qaz Dəhlizi vasitəsilə Azərbaycan qazı artıq Avropaya çatdırılır”.
Rumıniya XİN eyni zamanda ölkələrin nəqliyyat və rabitə sahəsində də ortaq maraqlara malik olduqlarını qeyd edib.
"Azərbaycan Şərq və Qərbin, Şimal və Cənubun kəsişməsində yerləşir və çox fəal şəkildə ideyalar, həmçinin bu ideyaların həyata keçirilməsinə yönəlmiş layihələr irəli sürür.
Rumıniya və Azərbaycan müəyyən müddətdir ki, Gürcüstan və Türkmənistan ilə birlikdə Xəzər dənizi – Qara dəniz qaz dəhlizi üzərində çalışırlar. Bu dəhliz əsasən Qara dəniz üzərindən uzanan Şərq-Qərb dəhlizinin davamıdır”, - Rumıniya XİN-dən əlavə ediblər.
www.anews.az
Foto 
Video 
