Messi: "Ronaldo karyeramı yüksəltməyə kömək edib"

PSJ-nin ulduz hücumçusu, 7-ci dəfə "Qızıl top"a sahib olan Lionel Messi Kriştiano Ronaldo ilə arasındakı rəqabətə toxunub.

"Mən fəhlə ailəsindən olmuşam, atam bütün günü işləyirdi və kasıb məhəllədə yaşayırdıq. Ailəm mənə həmişə hörmət və təvazökarlıq aşılayıb. Mən bu dəyərlərlə böyümüşəm. 13 yaşımda Barselonadakı La Masiya akademiyasına gələndə da bunu anladım. Hormon çatışmazlığından müalicəmi davam etdirirdim, lakin bu, ailəm üçün çox baha idi deyə Barselonaya getməyə ehtiyac yarandı. Ora gələndə heç vaxt qayıtmağı düşünmədim, baxmayaraq ki, uyğunlaşmaq asan deyildi. İlk il çox çətin keçdi, bu, doğrudur. Amma Argentinaya qayıtmaq heç vaxt ağlıma gəlmədi. Əksinə, vaxt keçdi və özümü daha yaxşı hiss etdim. Peşəkar futbolçu olmaq istədiyimə daha çox əminlik yarandı".

Messi PSJ-yə keçdikdən sonra Neymarın 10 nömrəli formasını niyə seçmədiyini açıqlayıb:

"O nömrə Neymara məxsus idi, mən komandaya kömək etmək üçün gəlmişəm. "10" nömrənin Neymarda qalması daha ədalətli görünürdü. Ona görə də "30"u seçdim".

Leo düşünür ki, Ronaldo ilə rəqabət onların karyeralarını yüksəltməyə kömək edib:

"Mən həmişə başqalarının nə etdiyinə baxmamaq, özümlə yarışmaq istəmişəm. Uzun illər Kriştiano ilə eyni liqada mübarizə apardım. Düşünürəm ki, bu, əla olub və karyeramızı yüksəltməyə kömək edib. Amma mən, sadəcə, özüm olmaq və başqaları ilə yarışaraq özümü təkmilləşdirmək istəyirdim".

Argentinalı ulduz tarixin ən yaxşı oyunçusu sayılmasına da münasibət bildirib:

"Heç vaxt tarixin ən böyüklərindən biri olduğumu söyləməmişəm və ya belə fikirləşməyə çalışmamışam. Tarixin ən böyüklərindən biri sayılmağım kifayətdir".



www.anews.az