“Qarabağ” Fransaya yollandı

UEFA Konfrans Liqasının pley-off mərhələsinin ilk oyununda "Marsel”in qonağı olacaq "Qarabağ” komandası Fransaya yollanıb.
 
Komandanı Marsel şəhərinə aparan təyyarə Heydər Əliyev Beynəlxalq Aeroportundan yola düşüb.
 
Baş məşqçi Qurban Qurbanov fevralın 16-da yerli vaxt ilə 18:40-da (Bakı vaxtı ilə 21:40) mətbuat konfransında iştirak edəcək. Media nümayəndələrinə açıq məşq isə yerli vaxt ilə 19:00-da (Bakı vaxtı ilə 22:00) matçın oynanılacağı "Velodrom” stadionunda olacaq.
 
Fevralın 17-də keçiriləcək oyun yerli vaxtla saat 21:00-da (Bakı vaxtı ilə saat 00:00) başlayacaq.



www.anews.az