Azərbaycan-Rusiya ticarət dövriyyəsi birinci rübdə 8% artıb

2022-ci ilin birinci rübündə  Azərbaycan ilə Rusiya arasında ticarət dövriyyəsi 631 milyon 373,09 min dollar təşkil edib ki, bu da bir il əvvəlki göstəricidən 7,9% çoxdur.Bu barədə Dövlət Gömrük Komitəsi (DGK) bildirib. 

Dövlət Gömrük Komitəsinin məlumatına görə, 2022-ci ilin yanvar-martında Azərbaycanın ümumi xarici ticarət dövriyyəsinin 5,79%-ni Rusiya ilə ticarət əməliyyatları təşkil edib.

Azərbaycan məhsullarının Rusiya Federasiyasına ixracı 155 milyon 180,95 min dollar (artım 14,7%) təşkil edib. Ümumilikdə Rusiyaya ixrac Azərbaycan ixracının 1,94%-ni təşkil edib.

Yanvar-martda Azərbaycana Rusiya məhsullarının idxalı 476 milyon 192,14 min dollar (artım 5,8%) təşkil edib. Azərbaycana mal idxalının ümumi həcmində Rusiyadan idxal 16,27 faiz təşkil edib.

Belə ki, Dövlət Gömrük Komitəsinin məlumatına görə, 2022-ci ilin birinci rübündə Azərbaycanın Rusiya Federasiyası ilə ixrac-idxal münasibətlərində mənfi saldosu 321 milyon 11,19 min dollar təşkil edib.



www.anews.az