2022-2023-cü illərdə Azərbaycan iqtisadiyyatı 2,7% artacaq - BVF

Ötən ilin oktyabrında BVF 2022-ci il üçün Azərbaycanın ÜDM artımını 2,3% səviyyəsində proqnozlaşdırmışdı.

Fondun yenilənmiş hesablamalarına əsasən, 2023-cü ildə Azərbaycanda ÜDM 2,6% artacaq. Beləliklə, 2022-2023-cü illərdə Azərbaycanda orta illik iqtisadi artım 2,7% təşkil edəcək.

BVF 2027-ci il üçün Azərbaycan ÜDM artımını 2,5% səviyyəsində proqnozlaşdırır.

Fondun proqnozlarına əsasən, Azərbaycanda orta illik inflyasiya 2022-ci ildə 2021-ci ildəki 6,7%-dən 12,3%-ə qədər sürətlənəcək, 2023-cü ildə isə 8,7%-ə qədər azalacaq. BVF 2027-ci il üçün Azərbaycanda inflyasiyanı 4% olacağını proqnozlaşdırır.

BVF 2022-ci il üçün Azərbaycanın tədiyyə balansında profisit ÜDM-in 37,2%-i (2021-ci ildə - ÜDM-in 15,2%-i), 2023-cü ildə ÜDM-in 28,5%-i, 2027-ci ildə ÜDM-in 17%-i səviyyəsində proqnozlaşdırır.

2022-ci ildə Azərbaycanda işsizlik səviyyəsi Fond tərəfindən 5,9% səviyyəsində proqnozlaşdırılır (2021-ci ildə - 6%). 2023-cü ildə BVF-nin proqnozlarına görə, bu rəqəm 5,8%-ə qədər azalacaq.

Azərbaycan İqtisadiyyat Nazirliyinin proqnozlarına əsasən, 2022-ci ildə ölkədə ÜDM-in artımı 3,9%, orta illik inflyasiya isə 4% təşkil edəcək.

2021-ci ildə Azərbaycanda ÜDM artımı 5,6% təşkil edib.