Martda Avropa ərazisində inflyasiya rekord həddə çatıb
21.04.2022 20:41
2022-ci ilin martnda Avropa ərazisində istehlak qiymətləri illik ifadədə 7,4% artıb. Bu barədə Avropa İttifaqının Statistika İdarəsi (Eurostat) məlumat verib.
Belə ki, fevralda inflyasiya 5,9% təşkil eidb. 2021-ci ilin martında bu rəqəm 1,3% olub.
Martda istehlak qiymətlərinin 7,5% artacağı əvvəlcədən də proqnozlaşdırılırdı. Belə ki, Trading Economics tərəfindən aparılan sorğuda iştirak edən analitiklər inflyasiya həddinin məhz bu qədər olacağını bildirmişdilər.
Bu ilin martında qeydə alınan inflyasiya son illər qeydə alınan ən yüksək göstərici olub. İndiyədək Avropa Mərkəzi Bankı (AMB) inflyasiyanın Avropda 2%-dən çox olmayacağını düşünürdü.
Bu ilin martında fevralıma nisbətən İstehlak qiymətləri 2,4% artıb ki, bu da rekord artımdır. Fevralda yanvara nisbətən artım 0,9% təşkil edib.
Rusiya-Ukrayna münaqişəsi və Moskvaya qarşı tətbiq edilən sanksiyalar neft və qazın qiymətində kəskin sıçrayışa səbəb olub.
Eurostat-ın məlumatına görə, enerji daşıyıcılarının qiymətləri ötən ilin martı ilə müqayisədə 44,4% bahalaşıb (proqnoz 44,7% idi).
Ərzaq, alkoqol və tütün məmulatları 5 faiz, sənaye məhsulları 3,4 faiz, xidmətlər 2,7 faiz bahalaşıb.
Ərzaq və enerji istisna olmaqla istehlak qiymətləri fevralda 2,7%-dən mart ayında illik 2,9% kimi sürətlənib.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
