Azərbaycanda banklar birinci rübdə aktivlərini 3% artırıb

31 dekabr 2021-ci il tarixinə Azərbaycanda bankların aktivləri 38 milyard 462,2 milyon manat təşkil edib. Belə ki, 2022-ci ilin birinci rübündə  bankların aktivləri 3,1% artıb. 

Martın sonuna bankların kredit portfeli 17 milyard 528,2 milyon manat təşkil edib ki bu da 2021-ci ilin sonu ilə müqayisədə 5,2% artım deməkdir. 

Azərbaycanda bankların ümumi kapitallaşması 4 milyard 941,5 milyon manat təşkil edərək  0,6% azalıb. 

Bankların öhdəlikləri 3,7 faiz artaraq 34 milyard 731,7 milyon manata bərabər olub. . O cümlədən, bankların Azərbaycan Mərkəzi Bankı qarşısında öhdəlikləri 0,6% azalaraq 317,2 milyon manat həcmində qiymətləndirilir. Banklardakı depozit portfeli 4,9 % artaraq 28 milyard 259,2 milyon manat, o cümlədən əhalinin əmanətləri  12,9% artaraq 10 milyard 200,8 milyon manat  təşkil edir.

Tənzimləyicinin məlumatına görə, 2022-ci ilin yanvar-martında bankların cəmi xalis mənfəəti 173,9 milyon manat  təşkil edib ki, bu da  2021-ci ilin eyni dövrü ilə müqayisədə 16,9% çoxdur. 

Hesabat dövründə bankların faiz gəlirləri 604,2 milyon manat (22% artıb), o cümlədən verilmiş kreditlər üzrə 501,4 milyon manat (27,2% artıb) olub.

Bankların qeyri-faiz gəlirləri 225,9 milyon manat  olub ki bu da 32,3% artım deməkdir. 

Bankların faiz xərcləri 143,4 milyon manat ( 11,2% artıb), o cümlədən depozitlər üzrə 100 milyon manat (21,1% artıb) təşkil edib.

Bankların qeyri-faiz xərcləri 397,8 milyon manat (31,9% artıb) təşkil edir.

2022-ci ilin birinci rübündə  Azərbaycanın bank sektorunun əməliyyat mənfəəti 275,4 milyon manat (24,7% artıb) təşkil edib.

Bütövlükdə, hesabat dövründə bankların vergidən əvvəlki məcmu mənfəəti 215,6 milyon manat ( 19,2% artıb), mənfəət vergisi ödənişləri 41,6 milyon manat (29,6% artıb) səviyyəsində qiymətləndirilir.

31 mart 2022-ci il tarixinə Azərbaycanda 26 bank, o cümlədən 12 xarici kapitallı bank fəaliyyət göstərmək üçün lisenziya alıb.  Ümumilikdə bankların 486 filialı (2021-ci ilin sonu ilə müqayisədə 1,5% artıb) və 95 şöbəsi ( 2,1% azalıb) var.

Azərbaycanın bank sektorunda 21 031 min nəfər çalışır ki, bu da 2021-ci ilin sonu ilə müqayisədə 3,5% çoxdur.