Azərbaycan iqtisadiyyatı 7,2% artıb
16.05.2022 12:11
2022-ci ilin yanvar-aprelində Azərbaycan iqtisadiyyatı 7,2% artıb. Yanvar-martda ÜDM artımı 6,8% təşkil edib. Bu barədə Dövlət Statistika Komitəsi məlumat verib.
2022-ci ilin yanvar-aprelində neft-qaz sektorunda artım 0,2%, qeyri-neft sektorunda 11,4% təşkil edib. Statistikaya görə, bu ilin 4 ayında Azərbaycanda ÜDM-in nominal həcmi 39 milyard 554,8 milyon manat olub.
ÜDM-in strukturunda sənaye 54,8%, ticarət və nəqliyyat vasitələrinin təmiri 7,7%, nəqliyyat və anbar təsərrüfatı 6%, tikinti 4%, kənd və meşə təsərrüfatı, balıqçılıq 2,4%, informasiya və rabitə sektoru 1,4% təşkil edib. Vergilərin ÜDM-də xüsusi çəkisi 7,9% olub.
2022-ci ilin yanvar-aprelində adambaşına düşən ÜDM isə 3938,4 manat təşkil edib.
2021-ci ildə Azərbaycan iqtisadiyyatı 5,6% artıb. Azərbaycan hökuməti 2022-ci il üçün ÜDM artımını 3,9% səviyyəsində proqnozlaşdırır.
N.Təbrizli
www.anews.az
Son xəbərlər 
Daha çox
Foto 
Video 
