Romadan rus mədəniyyətinə DƏSTƏK

Aksiya 2014-cü ildən İtaliya və Rusiya arasında mədəni əlaqələri inkişaf etdirən və möhkəmləndirən "Böyük Rusiyanın dostları” assosiasiyası tərəfindən təşkil olunub.

"Biz İtaliyada mədəniyyətimizə qarşı göstərilən münasibəti gördük. Dostoyevski ilə bağı mühazirələrin ləğvinə cəhd, Neapolda Çaykovskinin baletinin ləğv edilməsi, bu kimi bir çox nümunələr oldu. Yəni dünyanın bir parçası olan mədəniyyətimizə təcavüz olunmağa başlanıldı. Mədəniyyətin dəri rəngi, dili, sərhədləri yoxdur, o, bütün dünyaya aiddir”,  aksiyanın təşkilatçılarından biri Yuliya Bazarova deyib.

Mitinq iştirakçıları çıxışlarında Rusiya mədəniyyətinə qarşı məhdudiyyət və təzyiqləri pisləyiblər.

Fevralın 24-də Ukraynada hərbi əməliyyatlara başlayandan sonra ABŞ, Avropa İttifaqı, Böyük Britaniya, eləcə də bir sıra digər dövlətlər Rusiyaya qarşı sanksiyalar tətbiq edib. Sanksiyalar siyasət və iqtisadiyyatdan sonra mədəniyyət sahəsinə də keçib.

İtaliyada rus alim və mədəniyyət nümayəndələrinin işdən çıxarılması halları baş verib. "La Skala” opera teatrı Rusiya Xalq artisti, dirijor Valeri Gergiyevi səhnədən uzaqlaşdırıb. Mayın 17-dən 28-dək Fransanın Lazur sahilində keçiriləcək Beynəlxalq Kann Film Festivalına da Rusiya nümayəndə heyəti buraxılmayacaq. Amerika kinostudiyaları da Ukraynadakı vəziyyətlə əlaqədar Rusiyada filmlərin yayımını ləğv edib. "Sony Pictures” də Ukraynadakı vəziyyətlə əlaqədar Rusiyada gözlənilən teatr premyeralarını dayandırıb. Amerikanın Metropoliten-opera teatrı opera ifaçısı Anna Netrebkonu səhnədən uzaqlaşdırıb.