NATO Rusiya sərhədlərinə yaxınlaşıb - Sergey Şoyqu

NATO Rusiyann sərhədlərinə yaxınlaşıb  və  müharibənin baş vermə  potensialı önəmli səviyyədə artıb. Bunu Rusiyanın müdafiə naziri Sergey Şoyqu, Kollektiv Təhlükəsizlik Müqaviləsi Təşkilatına (KTMT) üzv olan müdafiə nazirlərinin iclasında onlayn çıxış edib.
 
O, Şərqi Avropada təhlükəsizlik məsələsi ilə bağlı ciddi problemlərin olduğunu vurğulayıb.
 
Şoyqu, NATO-nun şərqə doğru irəllədiyini və onun Rusiya ərazisi yaxınlığında hücum silahları yerləşdirdiyini xatırladıb.
 
Şoyqunun sözlərinə görə, Rusiyanın səylərinə baxmayaraq Qərb  əsas problemlərin həlli ilə bağlı təklifləri nəzərə alınmayıb.
 
"NATO döyüş potensialını əhəmiyyətli dərəcədə artırıb. ABŞ mövcud beynəlxalq təhlükəsizliyi tamamilə aradan qaldırmaq üçün xüsusi plan təyin edib. Ukraynanın NATO-ya daxil olması, onun ərazisində koalisiya hərbi infrastrukturunun gücləndirilməsi deməkdir. Ukrayna bizə düşmən olan, təzyiq vasitəsi kimi istifadə edilən dövlətə çevrilib. Bundan əlavə, Ukraynanın nüvə silahlarına malik olması, bizim üçün real təhlükə yaradır. Biz qarşıya qoyduğumuz tapşırıqları tamamlayana qədər, hərbi əməliyyatları davam etdirəcəyik. Bizim məqsədimiz Donbasdakı insanları soyqırımdan qorumaqdır”, – nazir bildirib.
 
Onun fikrincə,  Ukrayna nüvəsiz və neytral statusa malik olmalı, tərksilah edilməli və "nasistlərdən" təmizlənməlidir. 
 
"Qərb Ukrayna qoşunlarının məğlubiyyətindən ehtiyat edir. Buna görə də onlar Ukraynaya kütləvi qırğın silahlarını vermək niyyətindədir. Lakin bizə qarşı edilən  sanksiyalara və bütün təzyiqlərə baxmayaraq, biz öz missiyamızı davam etdirəcəyik”, – Şoyqu qeyd edib.