İran Rusiyadan taxıl ALACAQ

İran və Rusiya arasında əldə olunan razılaşmaların əsas mövzularından biri milli valyutalardan istifadəni və ikitərəfli pul razılaşmalarını nəzərdə tutan pul və bank məsələləridir. Bu məsələləri həll etmək üçün iki ölkənin nümayəndələrinin iştirakı ilə işçi qrupu yaradılıb.

Rusiya Federasiyası Kənd Təsərrüfatı Nazirliyi yanında "Aqroeksport" federal mərkəzinin məlumatına görə, 2021-ci ildə Rusiyadan Türkiyəyə 2,4 mlrd. dollar dəyərində 9 mln. tondan çox taxıl tədarük edilib. Misir 1,6 mlrd. dollarlıq 5,7 mln. ton taxıl alıb ki, onun da əsas həcmi buğda təşkil edib.

Rusiyanın taxıl məhsullarının ixracı ötən il fiziki ifadədə 12% azalaraq 43 mln. ton, dəyəri isə 12% artaraq 11 mlrd. dollar olub.

Buğda tədarükü 8,4% artaraq 8,9 mlrd. dollar, arpa 16% artaraq 1,3 mlrd. dollar, qarğıdalı 45% artaraq 1 mlrd. dollar təşkil edib. Bundan əlavə, qarabaşaq yarmasının ixracı 51%, yulafın ixracı 330%, çovdarın ixracı isə 1 180% artıb.

Ümumilikdə, Rusiyanın kənd təsərrüfatı məhsullarının ixracı 2021-ci ildə 21% artaraq 37,1 mlrd. dollar təşkil edib.

 

Rusiya hökuməti cari ilin iyunun 30-dək Avrasiya İqtisadi İttifaqı (Aİİ) ölkələrinə taxıl ixracına, avqustun 31-dək isə Aİİ-dən kənar şəkər ixracına müvəqqəti qadağa qoyub.Bu barədə fərmanı Baş nazir Mixail Mişustin imzalayıb. Taxıl məhdudiyyətləri iyunun 30-dək, şəkər üçün isə 2022-ci il avqustun 31-dək qüvvədə olacaq. Qərar daxili ərzaq bazarını xarici məhdudiyyətlər qarşısında qorumaq üçün qəbul edilib.

Ləman Qasımova