Belçika Ukraynaya haubitsa verməkdən imtina edib
01.06.2022 16:26
Ukrayna Belçikadan "M109” zirehli haubitsalarını almayacaq. Bu barədə UNİAN agentliyi məlumat yayıb.
"De Morgen” nəşri Ukrayna Müdafiə Nazirliyinin silahı ala bilmədiyini yazıb.
"Qarşı tərəf ödədiyi məbləğin qarşılığında on dəfə çox texnika tələb edərsə, danışıqlar aparmaq çox çətindir”, - məlumatda deyilir.
Törəmə müəssisəsi hərbi texnika ilə məşğul olan OIP Şərqi Flamand texnologiya şirkəti belçikalı mütəxəssislərə "M109”un vəziyyətini yoxlamağa icazə verməyib.
Eyni zamanda, Belçika Müdafiə Nazirliyi haubitsaların başqa bir alıcıya satıldığını bildirib. OIP isə bu məsələyə münasibət bildirməyib, ona görə də onları kimin aldığı məlum deyil.
"Odur ki, tədarük olmayacaq, lakin bu, prinsipial mülahizələrə görə deyil”, - Belçikanın müdafiə naziri Lyudivin Dedonder bildirib.
Bir neçə gün öncə Niderland Ukraynaya 5 özüyeriyən artilleriya qurğusu göndərəcəyini bəyan edib.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
