"Şuşa bəyannaməsi"nin qəbulundan bir il ötür - Nə dəyişib?

 

"Şuşa Bəyannaməsi" 2021-ci il iyunun 15-də Şuşada Azərbaycan Respublikasının Prezidenti İlham Əliyev və Türkiyə Respublikasının Prezidenti Rəcəb Tayyib Ərdoğan tərəfindən imzalanıb. Bu sənə Azərbaycan Respublikası ilə Türkiyə Respublikası arasında müttəfiqlik münasibətlərinin daha da dərinləşməsini nəzərdə tutur. Bəs görəsən bu bəyannamənin qəbulu iki ölkənin həyatında, əməkdaşlıq münasibətlərində nə dəyişib? 

 

Sosial Tədqiqatlar Mərkəzinin sədri, millət vəkili Zahid Oruc hesab edir ki, bu bəyannamə ilə bir çox işlər görüldü və qarşıda daha perspektivli işlər görmək olar.

"Bu bəyannamə regional təhlükəsizliyin təminatı üçün böyük rola malikdir. 2 dövlət arasında sıx və intentiv davam edən hərbi əlaqələr,birgə təlimlər,görüşlər,məxfi informasiya mübadiləsi,təhlükəsizlik istiqamətində vahid hərəkət,xarici işlər orqanları arasında sinxronlaşmış addımlar,mütəmadi olaraq dövlət başçıları arasında telefon görüşləri, məxfi şifrəli məktubların üzərində aparıla fikir mübadilələri reallaşdı. Bəziləri dairələrin Azərbaycanla Türkiyə arasında hərbi imkanların nəticəsində bir dövlət halında imperiya yaratması barəsində fikirləri yalnışdır. Azərbaycanın nə İrəvana, nə də digər qonşu dövlətlərə qarşı ərazi iddiası yoxdur. "Şuşa bəyannaməsi” sadəcə  regionda sülhün bərqərar olması üçün vacib olan bir sənəddir”, - deputat bildirib.

Zahid Orucun fikrincə, Azərbaycan orudusu Türkiyə Sİlahlı Qüvvələri  ilə bərabər bir sıra beynəlxalq miqyaslı hadisələrdə iştrak etsə  bu ölkə üçün çox vacib bir addım ola bilər.  

"Hazırda iki dövlətin silahlı qüvvələri birgə təlimlər keçirir. Əgər ordumuz beynəlxalq miqyaslı təlimlərdə iştirak etsə dövlətin siyasi nüfuzu daha da genişlənər. Düşünürəm ki, bu "Şuşa bəyannaməsi” ilə mümkün olacaq.Türkiyə artıq Xəzər  ətrafında təhlükəsizlik proseslərində iştirak edir. Bunu İran və Rusiya da qəbul edib. Rusiya və İranın hazırkı durumda sanksiyalar tətbiq olunduğunu nəzərə alsaq Azərbaycan üçün geniş fürsətlər açıldığını demək olar. STM rəhbəri olaraq düşünürəm ki, bu bəyannamə Azərbaycan üçün başqa dövlətlərlə yeni sənədlərin imzalanması üçün yeni addımlara yol açacaq”, - deputat vurğulayıb.

Siyasi məsələlər üzrə ekspert Elxan Şahinoğlunun sözlərinə görə,  "Şuşa bəyannmə"sində öz əksini tapan bəzi məsələlərin reallaşdırılması  ləngiyir.

"Qarabağda konsulluğun açılması ilə bağlı məsələ bir qədər ləngiyir. Ən azı o binanın bünövrəsi qoyula bilərdi. Sabah Şuşada keçiriləcək tədbirdə təməlqoyulma mərasimi olsa yerinə düşər.Bu proses sürətlə həll olunmalıdır. Qarabağda həm də hərbi bazanın yaradılması çox yaxşı olar. Şuşa bəyanaməsinə uyğun olaraq bu məsələni də aktuallaşdıra bilərik. Qarşı tərəf də bilər ki, Azərbaycan ərazisində hər hansı təxribata əl atmaq yolverilməzdir”, - ekspert söyləyib.

www.anews.az