Dünyada son yeddi gündə 8,7 min insan COVID-19 səbəbilə ölüb
Dünyada mayın sonundan koronavirusa yeni yoluxma hallarında artım qeydə alınıb. Bu barədə TASS xəbər agentliyi məlumat yayıb.
www.anews.az
Xəstəliyin artması xüsusən Asiya və Yaxın Şərqdə müşahidə olunur. İsraildə artıq gündə təxminən 10 min yoluxma qeydə alınır ki, bu da aprelin əvvəlindən bəri ən yüksək göstəricidir. Hindistanda COVID-19-un yayılması fevralın ən yüksək səviyyəsinə yüksəlib, burada hər gün 12 mindən çox yoluxma qeydə alınır.
Yaponiyada ikinci həftədir ki, gündə 13-14 min yeni yoluxma müşahidə olunur.
Bir sıra Avropa ölkələrində də yoluxma halları kəskin artıb. Fransada yeni yoluxmaların sayı gündə 50 mini keçib, Almaniyada keçən həftə ilə müqayisədə təxminən dörddəbir, İtaliyada isə iki dəfə artıb. Bundan başqa, İngiltərə, Belçika, Avstriya və digər ölkələrdə cüzi artım qeydə alınıb.
Bununla belə, ölüm nisbətində azalma müşahidə olunub.
Son yeddi gündə 8,7 min insan COVID-19 səbəbilə ölüb.
Aytac
www.anews.az
Oxşar xəbərlər
Oxşar xəbərlər
Son xəbərlər
Daha çox