Qətlə yetirilən əsgər ailənin yeganə oğlu olub

Tovuzda hərbi hissədə qeyri-döyüş şəraitində aldığı güllə yarasından ölən əsgər Pünhan Ağamirov ailənin yeganə oğlu olub. Xaçmaz rayonunun Yergüc kəndində doğulan Ağamirovun daha iki bacısı var. Bu barədə məlumatı unikal saytı yayıb. 

Pünhan Ağamirovun hərbi xidmət müddəti   2023-cü ilin yanvarında bitməli idi. 

 

Hadisə ilə bağlı  Şəmkir Hərbi Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

 

Baş Prokurorluğun Mətbuat Xidmətindən  verilən məlumata görə, avqustun 5-də Azərbaycan Ordusunun müddətli həqiqi hərbi xidmət hərbi qulluqçusu əsgər Ağamirovun Tovuz rayonu ərazisində yerləşən hərbi hissədə qeyri-döyüş şəraitində aldığı güllə yarasından vəfat edib. 

İstintaq cinayətin zərərçəkmişlə eyni hərbi hissədə xidmət edən əsgər Amil Kazımov  tərəfindən törədilməsinə dair əsaslı şübhə faktları müəyyən edilib.

 

Amil Kazımov şübhəli şəxs qismində tutularaq istintaqa cəlb olunub.