Ukrayna sona qədər mübarizə aparacaq - Zelenskidən çıxış

"Biz əlimizi yalnız bir dəfə qaldıracağıq və o zaman qələbəmizi qeyd edəcəyik. Çünki biz torpaqlarımız və xalqımızla alver etmirik. Bizim üçün Ukrayna 25 regionun hamısı, heç bir güzəşt və kompromisdən ibarət olmayan Ukraynadır”, -  Zelenski bildirib.

Zelenski Ukraynanın Şərqi Donbas regionu və Krım üzərində nəzarəti bərpa edəcəyini deyib.

"Əsgərlərinizin ölməsini istəmirsiniz? - Torpaqlarımızı tərk edin. Analarınızın ağlamasını istəmirsiniz? - Torpaqlarımızı tərk edin. Bunlar bizim sadə və aydın şərtlərimizdir”, - o əlavə edib.

 

Rusiya 2014-cü ilin fevralında Ukraynanın Krım Muxtar Respublikasını ilhaq edib. Bundan sonra Ukraynanın Donbas bölgəsində hərbi əməliyyatlara başlayıb. 2022-ci ilin fevralın 21-də Rusiya Prezidenti Vladimir Putin xalqa müraciətində Ukraynanın Donbas ərazisində yaradılan iki qondarma respublikanı tanıdığını bildirib. O, bununla bağlı fərman imzalayıb.

Rusiya cari ilin fevralın 24-də Ukraynaya hücum edib. Bu müddət ərzində ölkənin bir sıra şəhər və qəsəbələri dağıdılıb, minlərə adam həlak olub, milyonlarla insan ölkədən qaçqın düşüb.

Beynəlxalq aləm Rusiyanın bu addımını pisləyir və qoşunlarını Ukraynadan çıxarmağa çağırır.

Rəsmi Moskva isə qonşu Ukraynaya qarşı apardığı müharibəni "xüsusi hərbi əməliyyat" adlandırır. Bundan başqa "müharibə" sözündən istifadə edənlər, "müharibəyə yox" deyənlər, o cümlədən Rusiya müdafiə nazirliyinin rəsmi məlumatlarından fərqli xəbərlər verən fərdlər və KİV-lər cəzalandırılır.

Azərbaycan daxil olmaqla, BMT üzvlərinin mütləq əksəriyyəti Krım yarımadası və Donbası Ukraynanın ərazisi olaraq tanıyır.
 
Ləman Qasımova