Türkiyəli müğənni həbs edildi - VİDEO
Türkiyənin tanınmış müğənnisi Gülşən Çolakoğlu həbs edilib. Bu barədə Türkiyə KİV yazıb.
Müğənni prokurorluğa verdiyi ifadədən sonra İstanbul Sülh Cəza Hakimliyinə köçürülüb.
Gülşən haqqında İmam Hatip tərəfdarlarını hədəf alan sözlərindən sonra həbs qərarı verilib.
Aktyor Selçuk Yöntem Gülşənin həbsini ədalətli hesab etmədiyini bildirib.
"Hüququn siyasi düşüncələrə uyğun formalaşdığı ölkəmizdə həbs olunması lazım olan onlarla insan "nə də olsa, mənə bir şey olmaz” rahatlığı ilə gəzərkən, bir sənətçinin düşüncəsindən dolayı mühakimə və həbs olunmasını "ədalət”li hesab etmirəm”, - o yazıb.
Türkiyəni Avroviziya mahnı müsabiqəsində təmsil etmiş müğənni Hadise müğənninin həbsini digər cinayət hadisələri ilə müqayisə edib.
"Hamımız insanıq. Yanlışlar və xətalara yol verə bilərik, çünki insanıq. Üzr istəmək ləyaqətdir, üzr də istənildi. Sizə sual verirəm, qadınları vəhşicəsinə öldürən, "iki ay yatıb çıxaram” deyən adamları, uşaqlarının yanında həyat yoldaşını döyən adamları bu gün Gülşənin həbs olunduğu kimi həbs etsəydilər, neçə qadın bu gün həyatda olardı?”, - o qeyd edib.
www.anews.az
Oxşar xəbərlər
Oxşar xəbərlər