Azərbaycanlı müğənniyə Özbəkistanın "Xalq artisti" adı verildi

Özbəkistan Respublikasının Prezidenti Şavkat Mirziyoyev azərbaycanlı elm və mədəniyyət xadimlərinin mükafatlandırılması ilə bağlı Fərman imzalayıb, bu barədə məlumat Özbəkistan Respublikası Prezidentinin rəsmi saytında dərc olunub.

 

Bildirilir ki, Fərmana əsasən, Rəşid Behbudov adına Azərbaycan Dövlət Mahnı Teatrının vokalisti Gülyanaq Məmmədovaya "Özbəkistan Respublikasının Xalq artisti” adı verilib.

 

Həmçinin Akademik Ziya Bünyadov adına Şərqşünaslıq İnstitutunun şöbə müdiri akademik Şahin Mustafayev, Bakı Dövlət Universitetinin Türkologiya kafedrasının müdiri, professor Ramiz Əskərov, Azərbaycan Milli Elmlər Akademiyası Nizami adına Ədəbiyyat İnstitutunun Azərbaycan-Türkmənistan-Özbəkistan ədəbi əlaqələr şöbəsinin müdiri Almas Binnətova "Dostluq” ordeni ilə təltif ediliblər.