Azərbaycan Avropa İttifaqının sammitinə dəvət alacaq - The Guardian

Azərbaycan və Ermənistan Avropa İttifaqının oktyabrın 6-da Praqada keçiriləcək sammitində iştirak etmək üçün dəvət alacaq. Bu barədə "The Guardian” nəşri məlumat yayıb.

"Avropa İttifaqına üzv olmayan, lakin vahid bazara inteqrasiya olunmuş İsveçrə və Norveç də sammitdə iştiraka dəvət olunacaq. O cümlədən  Moldova, Ukrayna, Gürcüstan və İttifaqa daxil olmağa ümidli olan daha 6 Avropa ölkəsi  Albaniya, Bosniya və Herseqovina, Monteneqro, Kosovo, Şimali Makedoniya, Serbiya  sammitdə iştirak üçün dəvət alacaqlar. Sammitdə Azərbaycan və Ermənistanın dəvət alacağı da gözlənilir", - The Guardian yazır. 


Avropa Şurasının prezidenti Şarl Mişel bildirib ki, Türkiyənin də  sammitə dəvət edilməsi  barədə istək var. Lakin bunun üçün bütün tərəfdaşların razılığı olmalıdır. Hələlik Yunanıstan və Kipr Türkiyənin iştirakına qarşı çıxır. 


Ən çox müzakirə olunan isə Avropa İttifaqından çıxmış Böyük Britaniyanın iştirakı məsələsidir.  


Avropa İttifaqı Böyük Britaniyanın yeni baş nazirinə dəvətnam ilə bərabər zeytun ağaçının  budağını gndərməyi planlaşdırır. 


The Guardian-a görə, Britaniyanın Liz Trassın olacağı güman edilən yeni baş nazirinə  kontinentd təhlükəsizliyi möhkəmləndirmək üçün Avropa liderlərinə qoşulmaq təklif ediləcək. 


Şarl Mişel bildirib ki,Şimali İrlandiya protokolu ilə bağlı çətinliklərin ola biləcəyinə baxmayaraq  Britaniyanın Çexiyanın paytaxtına dəvət ediləcəyinə şübhə etmir. 


«Bizim  Şimali İrlandiya protokolu ilə bağlı mübahisələrimiz olsa da  geniş perspektivd dost olmağımıza və birgə fəaliyyəti davam etdirəcəyimizə şübhəmiz yoxdur", - Mişel The Guardiana müsahibəsində bildirib. 


Mişel Fransa prezidenti Emanuel Makronun müttəfiqidir. Avropa kontinentində olan bütün demokratik ölkələrin birləşəcəyi Avropa Siyasi İttifaqının yaradılması ideyasını da o, bu ilin mayında irəli sürüb. Bu İttifaqa Ukrayna və Avropanın Aİ-ə daxil olmaq istəyən digər 6 ölkəsi də daxil  edilməlidir.   


N.Təbrizli



www.anews.az