Ermənistan ordusunun əsgəri döyüş mövqeyində ölüb- Azərbaycan bunu təkzib edir
Ermənistan Silahlı Qüvvələrində müddətli həqiqi hərbi xidmət edən hərbi qulluqçu, 2002-ci il təvəllüdlü, kiçik çavuş Arman Qaqiki Sarkisyan sentyabrın 5-də Ermənistan-Azərbaycan sərhədnin şərqində yerləşən döyüş mövqeyində ölüb. Bu barədə Ermənistan Müdafiə Nazirliyindən bildirilib.
"Sentyabrın 5-də axşam saatlarında Ermənistan-Azərbaycan sərhədinin şərq hissəsindəki döyüş mövqeyində, ilkin məlumatlara görə, kiçik çavuş Arman Qagikoviç Sarkisyan (2002-ci il təvəllüdlü) Azərbaycan Ordusu tərəfindən açılan atəş nəticəsində həlak olub", - açıqlamada deyilir.
Azərbaycan Müdafiə Nazirliyinin mətbuat xidmətinin rəhbəri Anar Eyvazov Anews.az-ın sorğusuna cavab olaraq bildirib ki, Azərbaycan ordusunun bölmələri tərəfindən Azərbaycan-Ermənistan dövlət sərhədində guya atəş açılması və nəticədə Ermənistan silahlı qüvvələrinin hərbi qulluqçusunun vəfat etməsi barədə Ermənistan Müdafiə Nazirliyinin yaydığı məlumat yalandır.
Daha sonra Müdafiə Nazirliyi bu xəbəri rəsmi qaydada təkzib edib.
Gülnar
www.anews.az
Son xəbərlər
Daha çox