Azərbaycan, Rusiya və İran nazirləri Bakıda görüşəcək
07.09.2022 16:52
Azərbaycan, İran və Rusiyanın nəqliyyat nazirləri sentyabrın 8-9-da Bakıda Rəşt-Astara dəmir yolunun tikintisinin detallarını müzakirə etmək üçün üçtərəfli görüş keçirəcəklər.
"İranın nəqliyyat naziri bu gün Azərbaycan, İran və Rusiya nəqliyyat azirlərinin görüşündə iştirak etmək üçün Bakıya gələcək. Əsasən Rəşt-Astara dəmir yolunun tikintisi məsələsi müzakirə olunacaq”, - Bu barədə İran KİV xəbər verir.
Azərbaycan Rəqəmsal İnkişaf və Nəqliyyat Nazirliyindən aldığımız məlumata görə, sabah üç ölkə nümayəndələrinin işçi qrup səviyyəsində görüşü nəzərdə tutulub. Sentyabrın 9-da isə nəqliyyat nazirlərinin mətbuat konfransı gözlənilir.
Dəmir yolunun tikintisi "Şimal-Cənub” beynəlxalq nəqliyyat dəhlizi ilə yüklərin daşınması üçün çox vacibdir.
2023-cü ilin əvvəlinə bu yolla 10 milyon tonadək yükün daşınacağı bildirilir.
Bundan əvvəl Azərbaycanın dəmir yollarını İranın dəmir yolu şəbəkəsi ilə birləşdirmək üçün Qəzvin-Rəşt dəmir yolu xətti istifadəyə verilib.
Rəşt-Astara dəmir yolu xətti nin 167 kilometr olacağı nəzərdə tutulub.
N.Təbrizli
www.anews.az
Son xəbərlər 
Daha çox
Foto 
Video 
