Taxıl ixracı yoxsul ölkələrə nəzərdə tutulduğu kimi çatmır- PUTİN

Rusiya Prezidenti Vladimir Putin Ukraynadan Birləşmiş Millətlər Təşkilatının vasitəçiliyi ilə əldə olunan saziş çərçivəsində taxıl ixracının yoxsul ölkələrə nəzərdə tutulduğu kimi çatmadığını deyib.  Putin  bunu Vladivostok şəhərində keçirilən Şərq İqtisadi Forumunun plenar sessiyasında deyib.


Açıqlamalar Birləşmiş Millətlər Təşkilatı və Türkiyənin vasitəçiliyi ilə Ukraynanın blokadadakı limanlarından milyonlarla ton taxılın daşınması ilə bağlı altı həftəlik razılaşmanın taleyi ilə bağlı şübhələr yaradıb.

Sentyabrın 7-də Vladivostokda keçirilən Şərq İqtisadi Forumunda çıxış edən Putin Moskvaya Ukrayna taxılının daşınması üçün marşrutları dəyişdirmək barədə düşünməyi təklif edib.

Onun sözlərinə görə, Rusiya Ukraynanın taxıl ixrac edə bilməsi üçün əlindən gələni edib.

"Reuters"in Moskvanın taxıl ixracı sövdələşməsində dəyişikliklərə təşəbbüs edib-etməməsi ilə bağlı sualına Ukraynanın kənd təsərrüfatı naziri Nikolay Solski Putinin çıxışından sonra deyib ki, "biz öz səviyyəmizdə heç nə görməmişik".

Qlobal ərzaq və enerji qiymətləri Rusiyanın özündən daha  kiçik postsovet qonşusu Ukraynanı tabe etmək üçün başladığı genişmiqyaslı hücumdan sonra  yüksəlib.

"Ukraynadan ixrac edilən taxılın demək olar ki, hamısı kasıb dövlətlərə deyil, Aİ ölkələrinə göndərilir", - Putin Vladivostokda deyib, lakin o, hər hansı sübut təqdim etməyib.

O əlavə edib ki, "bu yanaşma ilə dünyada ərzaq problemlərinin miqyası yalnız böyüyəcək”.

İyulda Rusiya və Ukrayna arasında BMT və Türkiyənin vasitəçiliyi ilə imzalanmış ixrac sazişi  milyonlarla ton taxıl və gübrənin qarşısındakı əngəli aradan qaldırmaq üçün  nəzərdə tuturdu.


www.anews.az