"Çelsi" futbol klubuna yeni baş məşqçi təyin edilib

"Çelsi" futbol klubunda Qrem Potter sabiq baş məşqçi Tomas Tuçelin yerinə  təyin edilib. Bu barədə BBC məlumat yayıb.
 
Qrem Potter bu vəzifəni yerinə yetirmək üçün Premyer Liqa klubu "Brayton”dan ayrılıb və "mavilərlə” beş illik müqavilə imzalayıb.
 
Potterin baş məşqçiliyi altında "Çelsi”nin ilk oyunu şənbə günü Londonun "Fulham” klubu ilə səfər derbisi olacaq. 
 
Qrem Potterin köməkçisi Billi Rid, əsas komandanın məşqçiləri Byorn Hamberq və Bruno, qapıçılar üzrə məşqçi Ben Roberts və işə qəbul üzrə köməkçi rəhbəri Kayl Makolay onunla birlikdə komandanı çalışdıracaqlar.

 "Stamford Bridge” klubunun sədri Todd Boehli Qrem Potteri "Çelsi”yə gətirməkdən məmnun olduğunu deyib.

"O, sübut olunmuş məşqçi və Premyer Liqada bizim klub üçün baxışımıza uyğun yenilikçidir. O, təkcə meydanda istedadlı deyil, həm də "Çelsi”ni daha uğurlu klub edəcək bacarıq və imkanlara malikdir. O, əvvəlki klublarında böyük təsir bağışladı və biz onun "Çelsi"də müsbət təsirini gözləyirik”, - Todd Boehl deyib.
 
Potter "Çelsi” klubuna baş məşqçilik etməkdən çox həyəcanlı olduğunu bildirib.

"Mən "Çelsi”də baş məşqçilik etməkdən çox həyəcanlıyam. Maraqlı oyunçular ilə görüşməyi və onlarla işləməyi və heyrətamiz azarkeşlərimizin fəxr edə biləcəyi bir komanda və mədəniyyəti inkişaf etdirməyi səbirsizliklə gözləyirəm", - Qrem Potter deyib.
 
İngiltərə Premyer Liqasında 6 turdan sonra "Çelsi” futbol klubu 10 xalla 6-cı yeri tutur. Çempionlar Liqasının ilk turunda "zadəganlar" Xorvatiyada Zaqreb "Dinamo"suna 1-0 hesabı iləməğlub olub. 

Sadiq Cavadov
 
www.anews.az