Azərbaycandan 114 ölkəyə məhsul ixrac olunub

 

Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2022-ci ilin yanvar-iyulunda ölkənin xarici ticarət dövriyyəsi 30653,2 milyon ABŞ dolları təşkil edib.

 

Ticarət dövriyyəsinin 23159,4 milyon dollarını və ya 75,6 %-ni ölkədən ixrac olunmuş məhsulların, 7493,8 milyon dollarını (24,4 %-ni) isə idxal məhsullarının dəyəri təşkil etmiş, nəticədə 15665,6 milyon dollar məbləğində müsbət saldo yaranıb. 2021-ci ilin yanvar-iyulu ilə müqayisədə xarici ticarət dövriyyəsi faktiki qiymətlərlə 71,7%, real ifadədə isə 7,2% artıb.

 

İxrac real ifadədə 12,3 faiz artmış, idxal isə 2,3 faiz azalıb.

 

2022-ci ilin yanvar-iyulunda qeyri neft-qaz məhsullarının ixracı əvvəlki ilin eyni dövrü ilə müqayisədə faktiki qiymətlərlə 24,2%, real ifadədə 11,4% artaraq 1682,0 milyon dollar təşkil etmişdir. Dövlət Gömrük Komitəsindən daxil olmuş məlumatlara əsasən ölkənin xarici ticarət dövriyyəsinin 36,8 faizi İtaliya, 11,2 faizi Türkiyə, 6,2 faizi Rusiya, 3,9 faizi Hindistan, 3,8 faizi Çin, 3,5 faizi İsrail, 3,0 faizi Birləşmiş Krallıq, 2,2 faizi Yunanıstan, 2,0 faizi Almaniya, hər biri 1,7 faiz olmaqla Çexiya və Xorvatiya, hər biri 1,6 faiz olmaqla Gürcüstan, İspaniya və Ukrayna, 1,5 faizi Portuqaliya, hər biri 1,2 faiz olmaqla İsveçrə və Qazaxıstan, hər biri 1,1 faiz olmaqla Tunis və ABŞ, 13,1 faizi isə digər ölkələr ilə aparılmış ticarət əməliyyatlarının payına düşüb.

 

Ləman