Rusiya qazı Azərbaycan ərazisindən İrana nəql olunacaq - İran səfiri

 

Səfir bildirib ki, İran ərazisindən yüklərin və enerji daşıyıcılarının nəql olunması ucuz başa gəlir və təhlükəsizdir.

 

Azərbaycan Energetika Nazirliyindən ANews.az-a yaxın olan mənbənin verdiyi məlumata görə, Rusiya qazının İrana Azərbaycan ərazisindən gətirilməsi qeyri mümkündür. Belə ki,  Ələt-Astara boru xəttinin  buraxıcılıq qabiliyyəti ildə 2,5-3 milyard kubmetr təşkil etdiyindən ildə 9 milyard kubmetr qazı İrana ötürülə bilməz. 

Diplomat qeyd edib ki, İran bənzər əməliyyatı Türkmənistan və Azərbaycanla da həyata keçirir. Azərbaycan İrandan keçməklə 2 milyard kubmetr Türkmənistan qazı alır.

 

Cari ilin əvvəlində İranın neft naziri Cavad Ouci bildirib ki, İran Rusiyaya öz ərazisi ilə svop qaz nəqlini həyata keçirməyi təklif edib.

"Son aylar ərzində biz Türkmənistandan qazın Azərbaycan vasitəsilə svop tədarükünü həyata keçirməyə başlamışıq. Eynilə, bunu Rusiya qazının sonrakı ixracı üçün də təklif etdik”, - Ouci demişdi.

2021-ci il noyabrın 28-də Aşqabadda Azərbaycan, İran və Türkmənistan arasında qaz mübadiləsinə dair müqavilə imzalanıb. Müqaviləni Azərbaycan Prezidenti İlham Əliyev və İran Prezidenti İbrahim Rəisi arasında keçirilən görüşdən sonra Azərbaycan xarici işlər naziri Ceyhun Bayramov və İran neft naziri Cavad Oci imzalayıb. Aşqabad müqaviləsinə əsasən, il ərzində Türkmənistandan Azərbaycana İran üzərindən 1,5-2 milyard kubmetr qaz nəql olunacaq.