Putin yeni ərazilərin Rusiyaya qəbulu haqqında qanunları imzalayıb

Rusiya prezidenti Vladimir Putin müqavilənin ratifikasiyasını təsdiqləyib və Rusiyanın Donetsk və Luqansk Xalq Respublikaları (DXR və LXR), habelə Xerson və Zaporojye vilayətləri ilə birləşməsi haqqında federal konstitusiya qanunlarını imzalayıb. Sənədlər rəsmi hüquqi informasiya portalında dərc olunub.

Bu sənədlərə əsasən, yeni rayonların sakinləri ərazilər Rusiyanın tərkibinə daxil olduğu gündən - sentyabrın 30-dan Rusiya vətəndaşı kimi tanınır və Rusiya regionlarının sayı 85-dən 89-a yüksəlir. Yeni rayonların ərazisi təxminən 113 min kvadrat kilometrdir, bu ərazilərin rəsmi əhalisi səkkiz milyon nəfərdir.

Əvvəllər bildirildiyi kimi, Rusiya vətəndaşlığını almaq üçün yeni vətəndaşlar and içməli olacaqlar ki, bu and içməkdən yetkinlik yaşına çatmayanlar və fəaliyyət qabiliyyəti olmayanlar azad edilir.

DXR və LXR Xalq Milislərinin bütün hərbi qulluqçuları Müdafiə Nazirliyi ilə müqavilə imzalanana qədər öz bölmələrində eyni şərtlərlə xidmət edəcəklər, bundan sonra onlar bütün təltif və rütbələrini saxlayacaqlar və xidmət stajları nəzərə alınacaq. 

Rusiya Federasiyasının yeni vətəndaşlarının iş təcrübəsi, təhsili və mülkiyyət hüququ haqqında sənədlər qüvvədə qalır, onlar da Rusiya pensiyaları və digər sosial müavinətlər almaq hüququ əldə edirlər.(lenta ru)

www.anews.az