Laçın hava limanının tikintisinin başa çatacağı tarıx açıqlandı

"Mürəkkəb coğrafi mövqeyə görə Laçın Beynəlxalq Hava Limanının ərazisinin torpaq işlərinə ehtiyacı var və hazırda orada bu işlər  aparılır. İşlərin gedişi həmçinin hava şəraitindən asılıdır. Buna baxmayaraq, obyektin vaxtında təhvil verilməsi üçün bütün qüvvələr səfərbər edilib. Biz gözləyirik ki, tikinti  2024-cü ilin sonu - 2025-ci ilin əvvəlində başa çatacaq”, - Səfərov bildirib.

Onun sözlərinə görə, hava limanının uçuş-enmə zolağının uzunluğu 3000 metr, eni 60 metr, platformanın sahəsi isə 47 min kvadratmetr olacaq.

AzVirt nümayəndəsi qeyd edib ki, şirkət digər subpodratçılarla yanaşı, Qarabağda və Şərqi Zəngəzurda da yolların tikintisi işləri aparır. O, xüsusilə Füzuli-Əhmədbəyli, Füzuli-Hadrut, Kəlbəcər-Laçın və digər avtomobil yollarını qeyd edib.

Eyni zamanda, Səfərovun sözlərinə görə, Füzuli-Hadrut yolunun 2022-ci ilin sonuna kimi istifadəyə verilməsi gözlənilir.

Laçın hava limanı Qarabağda və Şərqi Zəngəzurda tikilən üçüncü hava limanı olacaq. 2021-ci ilin sentyabrında Füzuli hava limanı istifadəyə verilib, 20 oktyabr 2022-ci ildə Zəngilan hava limanı istifadəyə veriləcək.

Azərbaycan prezidenti İlham Əliyev bir müddət əvvəl Laçındakı hava limanının 2025-ci ildə istifadəyə veriləcəyini və bundan sonra ölkədə beynəlxalq hava limanlarının sayının 9-a çatdırılacağını bildirib.