Seçin SOCAR-ı “Vostok Oil” layihəsində iştiraka dəvət edib

"Vostok Oil” layihəsinin icrası əvvəlcədən elan olunmuş qrafik çərçivəsində davam edir. "Biz bu layihənin iştirakçıları arasında dostlarımızı, o cümlədən SOCAR-ı görməyə şad olarıq”, -  o bildirib.

"Rosneft” rəhbərinin sözlərinə görə, Şərqə üz tutmaqla bağlı strateji qərar qəbul edən Rusiya Asiya-Sakit Okean regionuna enerji resurslarının ixracını sistemli şəkildə artırır.

"İnfrastrukturun inkişafı ilə Rusiyanın Çin və Hindistana neft ixracı 2021-ci ildə 80 milyon tonu ötüb. "Vostok Oil" layihəsinin işə salınması Cənub-Şərqi Asiya, Hindistan və Çin bazarlarının artan tələbatını ödəyəcək. Biz qarşılıqlı anlaşmaya çalışırıq. "Vostok Oil” neft bazarının uzunmüddətli sabitliyini təmin edəcək və enerji resurslarının qiymətində əlverişsiz artımın qarşısını alaraq qiymət dəyişkənliyini azaldacaq”, - Seçin əlavə edib.

O xatırladıb ki, bu il "Vostok Oil” layihəsi üzrə aparılan kompleks kəşfiyyat işləri zamanı neft ehtiyatlarının əhəmiyyətli dərəcədə artması təsdiqlənib. 

"Bu, bizə "Vostok Oil" layihəsinin resurs bazasının 6,2 milyard tondan 6,5 milyard tona qədər artırılmasından danışmağa imkan verir", - Seçin bildirib.

O həmçinin qeyd edib ki, Rusiya artıq bu il BP şirkətinə 700 milyon dollar həcmində divident ödəyib.